„Закажавме датум за свадба“ - Д-р Иги, што ја отпеа „Очи боје дуге“, за љубовта што никогаш не ја преболел и играта на судбината

Детали

недела, 24 мај 2026

„Доктор Иги повеќе не сонува за тоа – не сонува за брак...“, изјави еден од најпознатите денс-изведувачи од 90-тите години д-р Иги, кој ја отпеа култната „Очи боје дуге“. Вели дека само со една жена помислил на брак.

Неодамна доктор Иги на Инстаграм се снимаше како ја изведува култната „Очи боје дуге“ и звучи исто како некогаш и ни враќа спомени на едно поинакво време.

Игор Тодоровиќ, познат како Д-р Иги, е еден од најпопуларните пејачи од 1990-те години. Се прослави со песната „Очи боје дуге“, заработуваше и до 40.000 марки од настап (околу 20.000 евра), а потоа го снема од сцената и почна да пропаѓа.

Дефинитивно, беше еден од најпознатите денс-изведувачи од деведесеттите години.

Пејачот во една пригода јавно проговори за својот љубовен живот и откри детали што долго време ги чувал за себе.

За првпат за српските медиуми јавно зборуваше за девојката која секогаш му останала драга.

На прашањето дали планира некогаш да се ожени, тој изјави:

„Доктор Иги повеќе не сонува за тоа. Имав една девојка во деведесеттите години, а таа во 2001 година се пресели да живее во Њујорк, во Америка.

Бевме заедно во периодот на мојата најголема популарност.

Се разделивме... И години потоа, сосема случајно, се случи една интересна ситуација.

Во Франција, на скијање, во автобус сретнав девојка која ѝ била училишна другарка. Некако мојот број стигнал до неа во Њујорк преку некои луѓе.

Таа ме контактираше, но многу внимателно, бидејќи не знаеше дали имам девојка, жена или семејство.

Долго време живеам сам. Така повторно се разгоре љубовта преку Вибер - постојано си пишувавме и разговаравме.

Закажавме и датум за свадба, тоа беше во 2018 година.

Сепак, со текот на времето сфатив дека љубовта на далечина не може да функционира. Не сакав да го оставам животот што го имам овде.

Оттогаш немав сериозна љубов.

За жал, нашата приказна не успеа, но таа секогаш ќе ми остане во сеќавање.

Родена е 1977 година, прекрасна е и работеше како модел во Америка…“

Доктор Иги сега со колешка ја изведе повторно култната „Очи боје дуге“:

С. С. | Црнобело