Се откажа од сопствената сестра, 12 години се понижуваат јавно - Продолжува „војната“ меѓу сестрите Ковач

Во 2014 година Кристина објави отворено писмо на Фејсбук во кое напиша дека партнерот на Александра, музичкиот продуцент Роман Горшек, ја нападнал, а сестра ѝ не застанала на нејзина страна во таа пригода.

„Она што го изрече партнерот на сестра ми беше скандалозно и непријатно за читање.

Првпат ме исплука јавно кога Нина (Радојичиќ, н.з) ја пееше песната „Чаробан“ на домашниот натпревар за Евросонг, а истовремено Александра ја пееше својата песна „Идемо даље“.

Нема да навлегувам во ситници, но оние што ме познаваат се свесни за тагата и проблемите што со години се поврзани со мојот однос со мојата некогаш најблиска сестра на светот.

Кого и што сака, тоа е нејзина работа. Што сè ќе направи за него - исто така.

Но, фактот што нејзиниот животен партнер јавно плука по нејзината сопствена сестра е дел од нејзиниот однос со мене“ - напиша Кристина во тоа време, објаснувајќи дека кавгата избувнала поради хорот Хардкорус и дека Горшек ја нападнал, а нејзината постара сестра не ја бранела.

Низ годините Александра неколкупати кажа дека никогаш не зборувала лошо за Кристина, но кога ќе се случеше тоа, почнуваа новите напади од страна на Кристина кон Александра.

„Ми се припишува дека сум сестромрзец, дека јавно се карам со неа и ги срамам мртвите родители, иако сите знаат дека не сум кажала погрден збор ни за неа ни за некоја личност.

Ги молам сите кои исклучиво ги интересира срамното „ријалити“, кое таа го базираше на лаги и љубомора, да сфатат дека таа не е дел од мојот живот од 2014-та и дека веќе никогаш нема да биде. Точка,“ напиша Александра.

Инаку, нивната најмала сестра Ања застана на страната на Александра во сестринската караница.

„Размислувам да напишам книга (жанр психолошки хорор) за длабоко несреќна и вознемирена жена која сака внимание до таа мера, што неразумно ќе плука по сопствената сестра со надеж дека некој ќе ја погали по главата и ќе ѝ каже дека е добра и паметна (спојлер: не е).

Нема среќен крај сè додека не сфати дека таа е проблемот и дека можеби треба да работи на тоа со професионална психијатриска помош. Фикција, се разбира“, напиша тогаш Ања.

А. Ј. | Црнобело