Јелена Карлеуша проговори кој сопруг ѝ бил подобар, какви девојки шета Душко сега, но и за бизарната понуда од Канје Вест

Овој пат, Карлеуша одлучи отворено да проговори и за својот однос со светски познатиот рапер Канје Вест и за деталите од соработката за која со месеци зборуваше целиот регион.

Карлеуша призна дека комуникацијата со славниот рапер и неговиот тим се движела кон голема меѓународна соработка, но дека барањата што биле поставени пред неа биле, според неа, во најмала рака бизарни и понижувачки.

Иако потврди дека потпишала договор за доверливост, кој ја обврзува да не зборува за деталите од музичката и модната соработка со Канје, таа откри дека одбила да потпише втор договор.

Според неа, во тој документ имало екстремни барања што подразбирале нејзино јавно понижување – како, на пример, да лиже млеко од чинија поставена на подот и раперот да ја шета гола на поводник.

Карлеуша објасни дека без двоумење ги одбила овие услови, свесна дека прифаќањето на такво нешто би значело крај на нејзината долгогодишна кариера и достоинство, што не сакала да го жртвува поради моментална светска популарност.

Во договорот, според неа, било предвидено раперот да ја шета целосно гола на поводник, третман што јавноста веќе подолго време го поврзува со партнерките на Канје Вест.

Иако, според неа, многу светски ѕвезди и старлети би прифатиле речиси сè за дел од славата и глобалното внимание што го носи Канје Вест, таа одлучно рекла „не“.

С. С. | Црнобело