Неверојатна трансформација на баба (86) од Србија: „Како изгледам секој ден, а како кога ќе ме нашминка внукот“
- Детали
- петок, 03 септември 2021
Многупати кога ќе видиме фотографии од трансформации не можеме ниту да веруваме во колкава мера шминката и фризурата можат да го променат изгледот на некоја личност. Таков е случајот на оваа баба од Србија која преку ноќ стана Инстаграм хит благодарение на нејзиниот внук.
Баба Милоратка (86) од селото Ивањица стана Инстаграм хит откако нејзиниот внук, познатиот српски фризер и шминкер Александар Драмиќанин на чиешто столче седеле голем број познати дами од српската естрада меѓу кои и девојките од бендот Hurricane, ја нашминка и ѝ направи фризура.
Драмиќанин за првпат објави фотографии од трансформацијата на неговата баба оваа пролет, кога откри и како дошол до идејата за овој невообичаен проект.
„За време на карантинот минатата година за првпат ја нашминкав. Тогаш за првпат во животот ја обои и косата. Таа е баба од село, живее во Ивањица. Ја искористив пригодата да ја средам кога тоа никому не му беше достапно, само таа го имаше тој луксуз“, вели Александар.
Тој тогаш откри дека баба му како и поголемиот број жени што живеат на село, не се шминка, не ја фарба косата и носи марама, а ова истото го потврдува и самата баба Милоратка во најновото видео што тој го објави на Инстаграм.
Прочитајте и Баба Милоратка (86) од Србија е Инстаграм хит со драстичната трансформација - шминката и фризурата прават чуда
На почетокот на видеото баба Милоратка покажува како вообичаено изгледа нејзината секојдневна рутина со местењето на марамата.
„Да сине јас вака ја носам секогаш марамата“ – вели таа, а во следниот кадар можеме да ја погледнеме неверојатната трансформација, како изгледа кога ќе ја дотера нејзиниот внук.
„Мојата најпрекрасна баба Милоратка“ – напиша Драмиќанин до видеото што тој го објави.
Драмиќанин е моден уметник кој веќе 15 години работи во Белград, а досега соработувал со голем број познати личности.
На следната страна дел од делата на Драмиќанин - ги шминка девојките од групата Hurricane, како и низа други Србинки...
Би можело да ве интересира:
Препорачуваме
Најчитани неделава
