Нада Топчагиќ му ја испеа „Јутро је“ на Ибрахимовиќ за 40-ти роденден – му се оддолжи за честа што тој ѝ ја направи на Санремо (видео)

Детали

понеделник, 04 октомври 2021

Босанската пејачка Нада Топчагиќ (68) одлучи да му се оддолжи на светски познатиот фудбалер Златан Ибрахимовиќ за тоа што ја претстави нејзината песна Jutro je пред светската јавност, па го изненади за неговиот 40-ти роденден.

Златан Ибрахимовиќ го славеше својот 40-ти роденден во Милано, па по тој одлучи да се почести со нов спортски автомобил, а пријателите му приредија уште едно изненадување на забавата.

Златан Ибрахимовиќ минатата пролет беше специјален гостин на фестивалот Санремо и неговото излегување на сцената беше проследено со песната на неговата сонародничка Нада Топчагиќ, Jutro je, откако тој претходно објавуваше снимки за време на карантинот како се забавува со оваа песна.

https://www.youtube.com/watch?v=iKzqR_LePWU

Нада била мошне воодушевена од настанот на италијанскиот фестивал, па одлучи да му се оддолжи за ваквиот гест и да го изненади на забавата по повод неговиот 40-ти роденден што се одржа во ресторан во Милано.

Oбјавени се видеа на кои се гледа како Ибрахимовиќ влегува, а на сцената Нада ја пее неговата омилена песна.

Нада дошла на забавата на повик на неговите пријатели, кои одлучиле да го изнаненадат така што на роденденот ќе ја поканат неговата омилена пејачка.

Пејачката на Инстаграм објави повеќе фотографии до кои напиша:

„Четириесеттиот роденден на Златан. Кралицата со ‘Jutro je’ на местото на настанот. Светот го доби тоа што го заслужи, а тоа сум јас. Ве сака Надица. Повеќе информации од утре“.

Секако, Нада не ја пропушти можноста да се фотографира со Златан, но и со познатиот француски фудбалер Пол Погба.

Во Инстаграм Стори таа објави уште неколку фотографии, меѓу кои и фотографија со сопругата на Златан, Хелена Сегер (51).

Инаку, претходно Златан на Инстаграм се пофали дека одлучил за својот 40-ти роденден да се почести со нов автомобил 488 Pista Spider Ferrari. Тој до фотографијата од новиот автомобил напиша: „Среќен роденден на Златан“

Прочитајте и Факти за Златан Ибрахимовиќ, дрскиот фудбалер кој го освои светот – удри соиграч, навреди новинарка

Б. С. Б. | Црнобело