Никогаш немал девојка, доби златен тастер - 27-годишен Хрват ја освои публиката на талент шоу

Детали

понеделник, 18 октомври 2021

Со својот глас и со скромноста ја освои хрватската публика, а 27-годишниот Марко Багариќ пред да го добие златниот тастер во хрватскиот „Суперталент“ призна и дека никогаш немал девојка.

На хрватското шоу за таленти „Суперталент“, Марко ја изведе песната Crazy Love на Brian McKnight и со сопствените гласовни способности ги изненади и членовите на жирито, но и публиката.

Откако Јанко Поповиќ Волариќ го стисна златниот тастер со кој го стави младиот Марк директно во финалето, на лицето на младиот натпреварувач се гледаше прво шок и неверување, а потоа следеа и солзи радосници.

Погледнете го неговиот настап и моментот кога го доби златниот тастер:

Кој е младиот Хрват и што знаеме за него?

Пред да излезе на сцената 27-годишниот Марк призна дека изгледот му е мошне важен и дека тренира секој ден.

Тој потекнува од Херцеговина, а роден е во Берлин, сепак одлучил да ги следи неговите родители во Загреб откако тие одлучиле да заминат во пензија, затоа што не сакал да ги остави сами.

Работи во компанија за производство на алуминиумски врати, а освен што се занимава со музика, исто така игра и фудбал.

Досега учествувал во талент шоу-а во Германија, а говори дури шест јазици: хрватски, германски, англиски, шпански, француски и јапонски...

Откри дека досега никогаш немал девојка и дека тоа му паѓа мошне тешко.

Се надева дека за пет години ќе успее да формира семејство и дека ќе има успешна музичка кариера.

Вели дека во шоуто се пријавил за да ги покаже сопствените гласовни способности, но потајно се надева дека ќе најде и љубов.

Тој објавува свои видеа и на Инстаграм профилот, а меѓу нив можете да слушнете како звучи и неговата изведба на песната на Оливер Драгојевиќ „Kad mi dođeš ti“.

https://www.instagram.com/tv/CTemCpwDFe9/?utm_source=ig_web_copy_link

Б. С. Б. | Црнобело