Девојка од Турција завршила факултет, но работи како такси-возач за да му помогне на болниот татко (видео)

„Отсекогаш му се восхитував на татко ми и ја преземав професијата од него, голема чест ми е што можам да му помогнам“ – вели оваа 24-годишна девојка која по завршувањето на факултетот почнала да работи како такси-возач.

devojka-od-turcija-zavrshila-fakultet-no-raboti-kako-taksi-vozach-za-da-mu-pomogne-na-bolniot-tatko-video-01.jpg

Мошне ретко жените се одлучуваат да работат како такси-возачи, а турските медиуми деновиве ја пренесуваат приказната за Дилара Калај (24) од Анталија, Турција, која го завршила универзитетското образование, но се вратила во родната Анталија и го заменила татко ѝ во професијата и почнала да работи како такси-возач.

devojka-od-turcija-zavrshila-fakultet-no-raboti-kako-taksi-vozach-za-da-mu-pomogne-na-bolniot-tatko-video-02.jpg

Дилара појаснува дека завршила факултет за Меѓународна трговска размена, менаџмент и логистика, но откако се вратила во родната Анталија се одлучила да го преземе такси возилото на нејзиниот татко и да го наследи во професијата.

„Студирав на универзитетот во Истанбул. Откако завршив со образованието одлучив да му помогнам на татко ми, кој беше изнемоштен. Од друга страна сакам да се занимавам со козметика, па со парите што ги штедам додека работам овде, во иднина ќе започнам да се занимавам со тоа“ – вели таа.

devojka-od-turcija-zavrshila-fakultet-no-raboti-kako-taksi-vozach-za-da-mu-pomogne-na-bolniot-tatko-video-03.jpg

Оваа девојка работи како такси-возач околу еден месец, но појаснува дека нејзиното семејство на почетокот не ја прифатило добро нејзината одлука, затоа што сметале дека таа професија не е безбедна за неа.

„Отсекогаш му се восхитував на татко ми и ја преземав професијата од него. Сметам дека жените треба да ги има во секоја професија. Како ќерка голема чест ми е што можам да му помогнам на татко ми“ – вели таа.

devojka-od-turcija-zavrshila-fakultet-no-raboti-kako-taksi-vozach-za-da-mu-pomogne-na-bolniot-tatko-video-04.jpg

Сепак, посочува дека поради тоа што е жена, понекогаш мора да ги избира патниците што ќе ги превезува. Понекогаш ѝ се случува да добие и негативни коментари од патниците, а некои од повозрасните жени сакаат да им биде снаа.

devojka-od-turcija-zavrshila-fakultet-no-raboti-kako-taksi-vozach-za-da-mu-pomogne-na-bolniot-tatko-video-05.jpg

За Дилара велат дека е најубавиот такси-возач во Анталија, а таа открива дека секое утро пред да излезе на работа се подготвува околу час и половина.

„Не сакам да се запоставам себеси. Имам стриктна рутина секое утро од маникир до шминка. Сакам да бидам за пример – сакам сите да знаат дека јас сум убава жена и возам такси“ – вели таа.

Погледнете го видеото за Дилара во продолжение:

Б. С. Б. | Црнобело

Би можело да ве интересира:

Сите мислеа дека е гола – ќерката на Дино Дворник покажа како ги крие гаќите под фустанот со огромен... Ќерката на познатиот хрватски музичар Дино Дворник, Ела на црвениот тепих се пој...
Србин што глуми Дедо Мраз: „Дете од богато семејство ми побара автомобил и 5 милиони евра за подарок... „На луксузен роденден славеникот дојде од Дедо Мраз да бара скапоцен автомобил и...
Најзгодната спортска новинарка во регионот живее во Хрватска (фото) Во слободно време тренира кик-бокс и јавање коњи. Хрватската спортска новинарка ...

Најчитани неделава

sonovnik-sidebar.jpg