Најзгодната спортска новинарка во регионот живее во Хрватска (фото)

Во слободно време тренира кик-бокс и јавање коњи. Хрватската спортска новинарка Валентина Милетиќ важи за една од најзгодните спортски новинарки во регионот, а веќе почнуваат да ја споредуваат со нејзината италијанска колешка Дилета Леота.

najzgodnata-sportska-novinarka-vo-regionot-zhivee-vo-hrvatska-foto-01.jpg

Валентина Милетиќ (28) во моментов работи како спортски новинар, а во минатото била манекенка и во 2011-та година победила на изборот за Мис Далмација. Таа работи како спортски новинар на HNTV, а дополнително и во Народното радио и на каналот Арена Спорт.

„Јас од мали нозе се интересирам за спортот. Кај нас дома секогаш се гледаше фудбал и најнормална работа беше секој викенд татко ми да ме носи со себе на некој натпревар, така што мошне рано ја засакав таа приказна и еуфоријата што го следи спортот.

И денес стојам зад тврдењето дека нема многу работи што може да предизвикаат толку голема емоција кај толку голем број луѓе како што тоа може да го направи спортот и секако посебно е чувството да се работи на спортските терени, затоа што ја имаш моќта тоа искуство да им го пренесеш и на другите“ – изјави таа за Story.hr.

Со оглед на тоа што се занимава со професија што се смета за „машка“ таа вели дека нејзина цел е да ги сруши стереотипите и да покаже дека и жените може сосема добро да се снајдат во тој свет.

„Светот на спортот можеби е машки, но има и жени што сосема добро пливаат во тие води. Мислам дека од самиот старт треба со својата желба и волја за учење да ги разбиете тие предрасуди и потоа, кога ќе оставите впечаток на личност што не е тука само за добро да изгледа, туку и разбира за што говори, луѓето почнуваат поинаку да ве гледаат и станувате дел од тимот“ – вели таа.

Валентина во минатото била во врска со двајца познати хрватски спортисти. Прво била во врска со фудбалерот на Ф.К. Хајдук, Марко Ливаја, а потоа и со тенисерот Борна Ќориќ со кого раскинале пред пет години (2016).

Таа вели дека поради работата нема премногу време за приватен живот, но признава дека има голем број додворувачи на социјалните мрежи.

На нејзиниот Инстаграм профил, Валентина објавува голем број фотографии од себеси, а во моментов има над, 21.000 следбеници. На прашањето дали често ѝ се додворуваат мажи на социјалните мрежи и дали се нашла во незгодни ситуации таа вели:

„Тоа е виртуелен свет и има сè и сешто, луѓето таму се малку послободни отколку што би биле ако ме сретнат на улица, но не можам да кажам дека сум имала некои поголеми проблеми. Постои опцијата block што ќе ги реши таквите проблеми, а додворувањата на Инстаграм денес се сведуваат на испраќање пламенчиња или оние вљубени емотикони и тоа мошне ми е смешно“ – вели таа.

Нејзиното атрактивно тело и витката линија се должат на тоа што од многу мала почнала да се занимава со спорт, а особено со кик-бокс.

„Јас долго тренирав кикбокс и имам навика да се занимавам со тој спорт уште од детството, а во последно време тренирам дома затоа што така повеќе ми одговара“ – вели таа и додава дека на секои два дена тренира околу еден час и смета дека тоа ѝ е доволно.

Валентина во слободно време се занимава и со јавање коњи, а признава дека првпат почнала да јава на возраст од пет или шест години.

На следната страна погледнете повеќе нејзини фотографии...



Би можело да ве интересира:

Сите мислеа дека е гола – ќерката на Дино Дворник покажа како ги крие гаќите под фустанот со огромен... Ќерката на познатиот хрватски музичар Дино Дворник, Ела на црвениот тепих се пој...
Живот од соништата: Млад пар од Србија патува низ светот, 2 години биле „заглавени“ во Виетнам – сег... Ирена Петковиќ е родена во Лесковац, а дипломирала на Факултетот за ликовни умет...
Си го промени личниот опис со операции, со сопругот е од 17 години: Факти за српската пејачка Маја Б... Како дете останала без татко, а додека пеела низ локали во Босна го запознала св...

Најчитани неделава

sonovnik-sidebar.jpg