„Ова е љубов“ - Вирално видео од татко од Сараево со ќеркичката со Даунов синдром ги топи срцата

Детали

петок, 11 февруари 2022

„Малиот ангел има Даунов синдром, а јас имам мултипла склероза, така ми рекоа. Никогаш не сме се предале, имам причина за да живеам“ – вели овој татко од Сараево кој сподели слатко видео со неговата ќеркичка и ги стопи срцата на многумина.

Еден маж од Сараево кој на Твитер е потпишан како Vanzemoljac Inc деновиве објави слатко видео со кое покажа како неговата ќерка со Даунов синдром секој ден го пречекува од работа и предизвика лавина позитивни коментари.

„Ова е една од причините заради кои дома си одам со насмевка. Секојпат мојата Жаки ми подготвува идентичен дочек... Знаете што? Ваква топлина и радост ретко кој може да пружи. Мислете за нас што сакате, но ние сме едно среќно семејство полно со љубов“ – напиша тој во описот на видеото.

„Ова видео ми го разубави денот“, „Овој човек ми влева толку голема надеж што не можам да ви опишам“, „Јас навистина сметам дека тие се ангели што одат на земјата. Никој нема толку љубов, среќа и позитивна енергија во себеси како нив“ – се вели во дел од коментарите.

Овој човек пред извесен период откри дека боледува од мултипла склероза, а дека љубовта кон ќеркичката е тоа што му дава сила да продолжи напред и да не се предава.

„Ние двајца… Малиот ангел има Даунов синдром, а јас имам мултипла склероза, така ми рекоа. Никогаш не сме се предале, имам причина да живеам. Ви благодарам на сите за поддршката“ – напиша тој.

Б. С. Б. | Црнобело