Војин Четковиќ ќе го глуми легендарниот Драган Николиќ во серијата „Тома“ – Здравковиќ и Гага биле другари од кафеана

Детали

четврток, 18 август 2022

Легендарниот актер Драган Николиќ и пејачот Тома Здравковиќ биле другари од кафеана, а улогата на актерот во серијата Тома, ќе ја игра Војин Четковиќ, кој во една прилика изјави: „Драган ме испрати во војска, ми даде 100 марки да се напијам нешто“.

Филмот за Тома Здравковиќ направи „бум“ во земјите на поранешна Југославија и за кратко време стекна популарност, а за маестралното дело се зборуваше со денови и месеци по премиерата.

Бурниот живот на пејачот кој живеел од ден за ден, одлично го пренесе на филмското платно Милан Мариќ, а покрај него и останатите актери ги „оживеаја“ ликовите од едно минато време на кое сите се сеќаваат, а помладите генерации имаа прилика преку филмот да ги запознаат.

Уште веднаш беше познато дека освен филмот, се снима и серија, во која ќе бидат прикажани уште многу приказни од животот на фолк пејачот, кои не се дел од филмот, а се очекува премиерно да се емитува оваа есен.

Освен добро познатите ликови и актери кои имавме можност да ги видиме во филмот, во серијата ќе се појават уште неколку, а најмногу внимание привлекуваат Војин Четковиќ, во улога на легендарниот актер Драган Николиќ и Срџан Тодоровиќ, во улога на неговиот татко, Бора Тодоровиќ.

Веста беше позната одамна, а сега Војин сподели интересна фотка со споредба од него и Срџан со ликовите кои ќе ги играат.

Тома и Драган биле другари од кафеана, а како што пренесоа српските медиуми, пејачот сакал да доаѓа во бифето Ателје 212, каде Гага поминувал голем дел од денот и ноќта.

Војин пак, веднаш и без размислување ја прифатил понудата од Драган Бјелогрлиќ и Жељко Јоксимовиќ, а во една прилика, во емисијата „Балканска улица“ раскажа интересна приказна од младоста, која српските медиуми ја пренесоа:

„Директно од снимање отидов во војска. Ме испратија Глоговац и Гага Николиќ. Гага ми даде 100 марки да се напијам нешто. Седнав во авион, влегов во касарната во 9 вечер. Си помислив што ме снајде, ме ставиле да спијам покрај тоалет, а околу мене деца од 17-18 години. Сите беа 10 години помлади од мене, а ме викаа чичко“.

Војин и Драган во серијата „Монтевидео“

Прочитајте и Ги разведуваат најмалку еднаш месечно, но и по 13 години тие се сè уште заедно – Војин и Слобода од „Зона Замфирова“ (фото)

М. М. | Црнобело