Заедно се 22 години, трча по неа со ќебе кога ѝ студи – Кој е соработникот на Северина, кого Игор Којиќ го обвини за распадот на бракот? (фото)
За Томица не се знае многу. Хрватските медиуми пишуваат дека тој потекнува од малото гратче Нови Мароф, а со музика почнал да се занимава како млад кога се преселил во Загреб каде работел како диџеј во познати локали.
Откако открил повеќе звучни музички хрватски имиња, тој целосно се посветил на кариерата на Северина. Па така, од 2000-та година па наваму, Томица е постојано на располагање на пејачката.
„Освен што ѝ е менаџер и соработник, тие двајца се и пријатели. Тој ѝ е главна потпора во сите најважни мигови, нему му се доверува, тој ѝ е најголема поддршка во работењето но и во животот“ – пишува Jutarnji.hr.
Весникот дополнува дека Петровиќ буквално бдее над Северина. Тој внимава да не ѝ студи, трча по неа со ќебе... Знае што сака таа да јаде.
Тој ѝ ја отвора вратата од автомобилот и ѝ носи чадор кога врне. Точно знае кога пејачката е уморна, а кога сака да се забавува до зори.
Се вели дека Томица воопшто и нема приватен живот затоа што постојано е со Северина. Тие се заедно од утро до мрак, заедно ручаат и вечераат.
Тој ја носи на концерти, со неа оди на домашните веселби, ги известува медиумите за сите настани од нејзиниот приватен живот.
Се знае дека Томица се противел на бракот на Северина со Игор, заради што тој и пејачката накратко се разделија во 2019-та година, но по разводот, тој повторно е нејзиниот најблизок соработник.
Б. С. Б. | Црнобело
Би можело да ве интересира:
Препорачуваме
Најчитани неделава
