Поважно му е семејството од кариерата, сѐ уште ја чека „вистинската“ девојка – Факти за Нучи, еден од омилените српски музичари
- Детали
- вторник, 11 октомври 2022
Важи за еден од омилените пејачи помеѓу младата публика, а најголемата слава ја стекна пред 2 години за време на карантинот. Вели дека за љубовниот живот ќе зборува само кога ќе ја најде вистинската девојка – Факти за Нучи.
Игор Паниќ (26), е попознат како Нучи, а важи за еден од омилените музичари кај помладата генерација. Неговата музика е мешавина од трап, рап и електронска музика, а тој самиот вели дека тоа е посебен „Нучи жанр“.
Славата ја стекна за време на почетокот на пандемијата на корона вирусот во 2020-та година, за време на полицискиот час, кога ги напиша неговите најпознати песни, меѓу кои и песната „Bebo“ која му ги отвори сите врати и беше „отскочна штица“ во неговата кариера.
Нучи со музика се занимава уште од 2011-та година, но првата негова песна Hotline тогаш не постигна некој поголем успех. Подоцна со пејачката Кобрица ја објавија песната Sve sa tobom, но и таа песна не постигна особен успех.
По соработката со Кобрица и заедничките сцени во спотот, многумина сметаа дека тие двајца се во врска, што тој веднаш го негираше:
„Јас никогаш не сум рекол дека сум бил во врска со неа. Реков дека не говорам за тие приватни работи и во овој случај кога ме прашувате за тие работи – не сум естрада.“
Во една друга прилика, пак, Нучи рече дека не сака да ги „полни“ таблоидите со својот приватен живот, туку сака многу повеќе да се зборува за неговата музика. Како што рече, во тој момент кога ќе ја најде вистинската и кога ќе знае дека тоа е тоа што ќе трае цел живот, веднаш ќе ги извести сите медиуми. Дотогаш нема потреба некои девојки да се етикетираат како „негови“.
Тој даваше изјави за српски Телеграф па рече дека семејството му е поважно од кариерата, а кога побараа од него да избере помеѓу вистинска љубов или полн куфер пари, тој рече:
„Не гледам зошто љубовта би можела да ве спречи да заработите полн куфер пари, особено ако е вистинска“.
Инаку, Нучи во една прилика рече дека по успешната музичка кариера би сакал да се оствари и како актер, а ќе видиме дополнително дали оваа желба ќе му се оствари.
Погледнете повеќе негови фотографии во продолжение:
https://www.instagram.com/p/CRof8E0rk89/?utm_source=ig_web_copy_link
https://www.instagram.com/p/CQv7vkWLjLf/?utm_source=ig_web_copy_link
https://www.instagram.com/p/CPA8i7aro5v/?utm_source=ig_web_copy_link
https://www.instagram.com/p/CN5JnNjLfQO/?utm_source=ig_web_copy_link
https://www.instagram.com/p/CHxYqUWj2DR/?utm_source=ig_web_copy_link
Б. С. Б. | Црнобело
Би можело да ве интересира:
Препорачуваме
Најчитани неделава
