„Работилницата на џуџињата на Дедо Мраз“ во Трикала, Грција - омилена претпразнична викенд дестинација за големи и мали
- Детали
- петок, 16 декември 2022
Џуџињата на Дедо Мраз имаат своја работилница во Трикала, Грција, а во моментов тоа е омилената претпразнична туристичка дестинација за големи и мали на Балканот. Погледнете повеќе видеа и фотографии оттаму.
За да ја посетите работилницата на џуџињата на Дедо Мраз, не мора да одите на Северниот пол, Трикала во Грција има богата програма адаптирана за сите возрасти, а ова воедно е и омилена дестинација во регионот.
Маскоти, забавен парк, божиќен базар се само некои од содржините што можете да ги видите доколку се упатите таму.
Весна Коцевска, туристички водич, на својот Инстаграм профил објави кратко видео од посетата на тематскиот парк „Работилницата на Дедо Мраз“ (Ο Μύλος των Ξωτικών) во Трикала и ни даде можност да ѕирнеме каква била атмосферата таму во текот на изминатиот викенд.
„Дали сте знаеле дека џуџињата на Дедо Мраз имаат своја работилница во соседството? Периодов најпосетено место во Грција е Трикала.
Влезот е слободен, а се плаќаат само одредени активности. Доколку одите за викенд очекувајте голема гужва.
Напишавме писма до Дедо Мраз. Еден ден е доволен да се види сѐ, вклучувајќи го и центарот на градот“ – појаснува Весна во нејзиното видео.
Дека навистина можете да очекувате огромна гужва говори и податокот што минатиот викенд (од 10-ти до 11-ти декември) во Трикала имало рекорден број од 80.000 посетители од Грција и од соседните земји.
Овој тематски парк веќе 11 години наназад е омилен за сите туристи со деца, а годинава забавата во магичниот свет е сконцентрирана на мотивите од вонвременската приказна за „Алиса во земјата на чудата“.
Погледнете уште едно видео од тоа што може да очекувате да видите доколку отидете во Трикала:
Фотки од тематскиот парк во продолжение:
Б. С. Б. | Црнобело
Би можело да ве интересира:
Препорачуваме
Најчитани неделава
