Петар Грашо за Данијела Мартиновиќ: „Не сме скарани – во одлични односи сме!“

Детали

петок, 27 јануари 2023

„Тешко се одвојувам од ќерката и сопругата, а со Данијела сме во одлични односи“ – Петар Грашо накратко одговори на прашањата за својот приватен живот и ги негира гласините дека тој е скаран со својата поранешна партнерка Данијела Мартиновиќ.

Минатата година хрватскиот пејач Петар Грашо се најде среде скандал откако одлучи да ја прекине врската со пејачката Данијела Мартиновиќ, по што се ожени со ќерката на Тончи Хуљиќ, Хана, со која ја доби ќерката Алба.

Петар заедно со сопругата Хана во средата (25.01) присуствуваше на доделувањето на „MAC“ наградите во Белград каде што ја доби наградата за „концерт на годината“.

фото: YouTube

На настанот тој говореше за тоа колку му значи наградата што ја добил, но ги прокоментира и случувањата на приватен план.

Како што рече, тешко се одвојува од ќеркичката Алба, па најчесто таа ги придружува на патувањата.

„Хана е тука како ќерка на водителот (Тончи) и како сопруга на Петар, а најмногу е тука како мајка на ќерќичката од која тешко се одвојувам, така што ги ловиме тие заеднички мигови колку што е можно повеќе. Малата веќе помина низ 3-4 држави, се напатува и многу сака да патува, а најважно е што сме заедно“ – рече тој.

фото: YouTube

Освен за односот со ќерката и сопругата, Грашо одговори и на прашања за свадбата од минатата година.

„Нашата идеја беше свадбата да биде анонимна, но тоа беше сѐ, само не анонимна. Присуствуваа 3-4 пати повеќе новинари, а јас не сум таков тип човек што сака да ги експонира приватните работи“ – рече тој.

Во медиумите во последните две години често се шпекулира за тоа во каков однос е тој со хрватската пејачка Данијела Мартиновиќ, откако претходно одлучија да стават крај на 24 години долгата врска, за потоа брзо да се ожени со Хана Хуљиќ и да стане татко.

„Со никого не сум скаран. Со Данијела сме во добри односи“ – рече Петар.

Инаку, Петар и Данијела ретко коментираат за нивната врска и за нивното раскинување. Тие двајца беа заедно 24 години, но никогаш не застанаа пред олтар.

Б. С. Б. | Црнобело