Моќниот говор на Милан Мариќ го крена на нозе регионот: „Не смееме да ги затвориме очите пред насилството, тоа само ќе се храни со нашата тишина“

Детали

петок, 03 март 2023

„Би сакал да го свртам вниманието кон еден опасен тренд, кој, за жал, е во пораст. А тоа е трендот на насилство. Сведоци сме на секојдневното насилство, физичко, психичко, вербално и онлајн насилство врз жените, децата, старците, над ЛГБТ популацијата, над сите оние кои се поинакви“ - кажа српскиот актер Милан Мариќ во моќниот говор што го одржа на Беовизија и го осуди секој вид на насилство.

Српскиот актер Милан Мариќ, кој е еден од четворицата водители на овогодишната Беовизија, одржа моќен говор на првата полуфинална вечер на ова музичко натпреварување.

Тој зборуваше за порастот на насилството врз жените, децата, постарите лица и припадниците на сексуалните малцинства и побара тоа да запре веднаш.

„Би сакал да го свртам вниманието кон еден опасен тренд, кој, за жал, е во пораст. А тоа е трендот на насилство. Сведоци сме на секојдневното насилство, како во светот, така и кај нас.

Физичко, психичко, вербално и онлајн насилство врз жените, децата, старците, над ЛГБТ популацијата, над сите оние кои се поинакви.

Не смееме да ги затвораме очите пред оваа тема, зошто насилството се храни со нашата тишина“, го почна Мариќ својот говор.

Актерот рече дека дури и кога насилството му се случува на некој друг, и кога се случува далеку, тоа не значи дека нема да дојде и до нас или до нашите најблиски.

„Затоа денес сме си потребни едни на други, да се бориме за доброто во нас, да се разбереме едни со други, да си простувме меѓусебно, да се сакаме, да ја препознаваме човечноста и да ја почитуваме различноста.

Никогаш не се знае кога семето фрлено во земјата ќе израсне во најубав цвет. Да бидеме благи едни кон други, а остри во осудата на секој вид насилство. Да живее љубовта“, рече Милан.

Видеото од говорот на популарниот актер за кратко време стана вирално во регионот, па се споделува на сите социјални мрежи со порака за толеранција и осуда на насилството.

Погледнете го целосно видеото:

View this post on Instagram

A post shared by RTS | Eurovision Song Serbia (@eurovisionserbia_official)

Но, освен со говорот, популарниот актер, кој се прослави со улогата на Тома Здравковиќ во хит-филмот „Тома“, предизвика реакции и со изгледот.

Твитерџиите од регионот коментираат дека изборот на песна во Србија оваа година е прилично слаб, па наместо некој од натпреварувачите, можат да го пратат Милан да ја претставува Србија на Евровизија во Луверпул.

Српскиот претставник ќе се избира во сабота, кога ќе се одржи финалето на „Беовизија“, а ќе се натпреваруваат 16 песни, по осум што се пласираа од двете полуфиналиња. 

А. Ј. | Црнобело