Бившата жена се омажи за неговиот кум, продуцентка го обвини за сексуална злоупотреба: Рамбо Амадеус повторно во секс-скандал

Детали

среда, 15 март 2023

Црногорскиот музичар Рамбо Амадеус (59) деновиве е среде секс-скандал, откако продуцентката Лејла Кешиќ го обвини за сексуално вознемирување и злоупотреба. Музичарот ги негира овие обвинувања иако признава дека ја допрел без намери, а вели дека јавноста веќе го осудила и решила дека тој е виновен. Сепак Рамбо Амадеус не е имун на скандали - ја изневери сопругата повеќепати, јавно се караа и смируваа, а откако се разведоа, таа се омажи со неговиот кум.

Рамбо Амадеус никогаш не бил имун на скандали кога е во прашање неговиот приватен живот.

Тој долги години беше во брак со Карин Пушиќ, со која се разделуваше и смируваше повеќе од десет години. Парот имаше и јавни испади, кога се караа среде улица, а тоа го пренесуваа и медиумите.

Неколкупати се пишуваше дека Рамбо ја изневерил Карин, но најголемо внимание привлече приказната дека љубовница му била млада медицинска сестра. Тој ја негираше аферата.

„Ако ми е за утеха, не била медицинска сестра, туку началничка на сестрите“, изјави подоцна Карин за медиумите.

Откако конечно се разведоа, Карин се омажи за поранешниот другар и кум на Рамбо, Лазар Живковиќ.

„Карин никогаш не го изневери Рамбо со Лазар. Нивната љубов почна подоцна“, изјави за медиумите подоцна пријател на Рамбо Амадеус.

Ова, наводно, до толку го погодило Амадеус, што со месеци не сакал да ги види дури ни децата што ги има од бракот со Карин.

Овојпат, секс-скандалот во кој е вклучен познатиот музичар е посериозен, откако Лејла Кашиќ, продуцентка на црногорската емисијата „Dnevnik“ го обвини за сексуална злоупотреба.

Лејла Кашиќ јавно кажа дека ќе поднесе кривична пријава против познатиот музичар и дека е опасно што некој кој е склон кон девијантно однесување е поставен за амбасадор на УНИЦЕФ.

По обвинувањето на Кашиќ се огласи и Рамбо, кој призна дека ја допрел или удрил по задникот, но дека допирот не бил од сексуална природа.

„Ме обвинија и веќе јавно ме осудија за сексуално вознемирување и злоставување. Никој не виде, можев да негирам, но не сум таков човек. И нормално дека сум бесен“, напиша Амадеус на Фејсбук по обвинувањата на Кашиќ.

Продолжува на следната страница...