Каролина Гочева сподели видео од одморот во Хрватска - Пејачката уживаше на море со мајка ѝ, сестра ѝ и внуките

Детали

вторник, 08 август 2023

Нашата пејачка Каролина Гочева ова лето го искористи да замине на одмор во Хрватска заедно со нејзината сестра, со мајка ѝ и со двете внуки, а ги посетија Сплит и Трогир.

Таа на својот Инстаграм профил сподели едно кратко видео во кое ги опфати највпечатливите мигови од нивното патување.

Слично како и пред две години, женското друштво повторно имало одмор за паметење.

Преку кратки кадри на кои е заедно со мајка ѝ и со сестра ѝ, но и со двете преслатки внуки Луција и Инес, собрани во видео, Каролина Гочева се обиде да покаже како изгледал нивниот незаборавен одмор во Хрватска.

Додека во заднина ја слушате вонвременската песна на Синди Лопер, Girls Just Want To Have Fun, имате можност да погледнете како изгледале прошетките низ стариот град во Сплит, посетата на продавница за сладолед, но и за сувенири, како и деновите поминати на плажа со внуките.

Погледнете го видеото:

Б. С. Б. | Црнобело