Душко од Тетово ја запроси саканата Ивона во манастирот Свети Јован Бигорски - едно од најдуховните места во Македонија (фото)

Детали

понеделник, 11 септември 2023

„За мене Бигорскиот манастир е најубавиот манастир и има нешто посебно што ме поврзува со тоа место. Како мала ме носеле моите родители, а јас и денес знам со нив или со пријателите да одам и да го посетам. Ова го знаеше мојот дечко Душко, кој одлучил прашањето „Дали сакаш да ми бидеш жена?“ да ми го постави токму“, вели Ивона Нацевска за CRNOBELO.com.

Ивона Нацевска (24) и Душко Вукојичиќ (29) од Тетово се свршија во манастирот Свети Јован Бигорски, едно од намагичните и најдуховни места во Македонија.

Под камбаната на манастирот, Душко ја побара Ивона за сопруга по 1 година врска.

Ивона, која е вработена во Национална опера и балет во Скопје за CRNOBELO.com, раскажа за изненадувањето што ѝ го приредил нејзиниот партнер, кој е дел од музичката група The Nameless Trio.

„Сè се случи неочекувано. За мене Бигорскиот манастир е најубавиот манастир и има нешто посебно што ме поврзува со тоа место.

Многу често го посетувам. Како мала ме носеле моите родители, а јас и ден денес знам со нив или со пријателите да одам и да го посетам.

Ова сè го знаеше мојот дечко Душко, сега мој свршеник, па тој самиот одлучил прашањето „Дали сакаш да ми бидеш жена?“ да ми го постави токму во Бигорскиот манастир.

Морам да признаам дека беше баш изненадување. Ние бевме со намера да одиме на обична прошетка и посета на манастирот со неговиот брат и снаа, кои беа дел од изненадувањето.

Судбоносното „да“ го кажав на тоа свето место кое за мене многу значи“.

А. Ј. | Црнобело