Новинарка од Канал 5 ја облече комбинацијата од матура на мајка си: „Горда сум на нејзиниот моден стил“

Детали

среда, 20 септември 2023

Кул и емотивно! Новинарката Јана Јосифоска (34) од Кичево за CRNOBELO.com вели дека мајка ѝ отсекогаш имала револуционерен и безвременски стил, па таа со задоволство носи парчиња облека од неа.

Јана Јосифоска (34) од Кичево повеќе од 4 години работи како новинар и водител во телевизија Канал 5.

Таа на својот Фејсбук профил објави интересна фото-споредба од неа и мајка ѝ во младоста, на која го носат истиот стајлинг.

За CRNOBELO.com Јана вели:

„Мотивот да се биде необична, револуционерна и уникатна потекнува најмногу од мојата мајка, за која од кога паметам имала посебен вкус и стил, заедно со тетка ми.

Буквално од едно парче облека знаат да направат модно ‘чудо’, без притоа да е бренд или прескапо. Најважна е добрата комбинација.

Секогаш биле пред времето, револуционерни и безвременски за стил, дури и за мал град како што е Кичево, од каде што потекнувам.

Оваа комбинација е од нејзината од матура во 70-тите, кога му пркоси на стилот кој доминира со фустани и сум особено горда на тоа.

Мајката на Јана (лево) и Јана (десно)

Најголем дел од мојата гардероба ми е наследена од неа. За мене не се само парчиња облека, туку имаат и емотивна вредност.

И слободата на изразот секогаш доаѓа како резултат на две спротивставени страни или светогледи“.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело