Пејачката Александра Јанева кажа ДА пред Ајфеловата кула во Париз: „Нашето време за љубење“

Детали

недела, 12 ноември 2023

„Сакам кога се смееме заедно и ми пееш раштимани тонови, ама чисти од душа. Кога и двајцата пуштаме солза на тажни филмски сцени, а ти ја криеш низ насмевка, плачко мој најсакан. Кога сакам да сум ти лута, ама не можам и не знам како повеќе од 5 минути“, напиша пејачката на Инстаграм.

Пејачката Александра Јанева и нејзиниот долгогодишен дечко, Иван Ангелов, се свршија во Париз. Иван ја побара Александра за сопруга вчеравечер (11.11) во близина на Ајфеловата кула.

Александра објави неколку фотки од романтичниот момент на Инстаграм, а го покажа и свршеничкиот прстен што ѝ го дал Иван.

„Сакам кога се смееме заедно и кога ми пееш раштимани тонови, ама чисти од душа.

Кога и двајцата пуштаме солза на тажни филмски сцени, а ти ја криеш низ насмевка плачко мој најсакан.

Кога сакам да сум ти лута, ама не можам и не знам како повеќе од 5 минути, кога не сакаш да се одлепиш од мене исто колку јас од тебе.

Се појави на вистинско место, во вистинско време. Јас и ти во нашето време за љубење“, напиша Јанева.

Пејачката претходно објави фотка од Париз, исто така, направена покрај Ајфеловата кула.

Таа на фотката го одбележа само датумот 11.11, кој според верувањата важи за еден од најсреќните денови во годината.

А. Ј. | Црнобело