Јелена Спенџарска за патувањето во Дубаи: „Потрошив 500 евра за една недела, возењето со такси е многу евтино“

Детали

понеделник, 27 ноември 2023

„Во Дубаи можете да се храните по ресторани, но и да купите храна од супермаркет, како што направивме јас и сестра ми. Бевме во Carrefour, во кој има од пиле млеко - цела количка ја наполнивме, купивме подароци и плативме околу 100 евра за тоа. Има и локални ресторани каде што храната е по пристапни цени“, вели Јелена Спенџарска за патувањето во Дубаи.

Водителката и инфлуенсерка Јелена Спенџарска неодамна се врати од патување во Дубаи и не го крие своето воодушевување од една од најпосетените туристички дестинации во светот.

Додека е под импресии од патувањето, на кое беше со сестра си, Јелена преку Инстаграм Стори одговараше на прашања од своите следбеници поврзани со Дубаи.

„Која авантура беше ова патување, мислам дека не можам да ви доловам. Кога сте на вакви места, сакате да бидете максимално присутни во моментот, ем да сликате и да снимате, да се дружите со луѓето, но денес ќе се обидам да одговорам на вашите прашања“, напиша Спенџарска.

На прашањето колку треба да си финансиски спремен за патување за двајца во Дубаи, Јелена вели:

„За живеење не знам, но тука можете да поминете и со малку и со многу пари, зависи што сакате. Може да отидете во Dior и да купите нешто многу скапо, а може да влезете и во продавници кои ги има и кај нас, каде што цените се многу пристојни и слични како и овде.

Единствено Zara е малку поскапа отколку кај нас, но тука има само фустани, летни работи и ја нема целата колекција, на пример џемпери или зимски јакни. Инаку, поскапа бидејќи има фустанчиња од 200 евра нагоре, па и за 350 евра, а кај нас истите се многу поевтини.

Во големите молови има за сечиј џеб по нешто, иако за нас е поприфатлив Emirates Mall, кој е поевтин, а Dubai Mall е малку поскап.

Во однос на храната, може да се храните по ресторани, но можете да купувате храна и од супермаркет, како што направивме јас и сестра ми. Бевме во Carrefour, кој е огромен и има од пиле млеко, цела количка ја наполнивме, купивме подароци и плативме околу 100 евра за тоа.

Има и мали локални ресторани каде што имаат одлична храна за пристапни цени. Во Дубаи ги има сите кујни, па дури и специфични јадења кои ги нема кај нас.

Според некоја груба математика, јас платив околу 500 евра за оваа недела“, рече Јелена.

Следбениците ја прашаа и што си купила од Дубаи, па таа на шега вели:

„Купив 150 кила урми за мене и за сите пријатели“.

Таа откри и дека си купила рачно изработено ланче во кампот додека била на пустинско сафари, на кое е симболот за бесконечност и иницијалите Ј и Л, од нејзиното име и името на нејзиниот партнер Лукас.

Кое преубаво место ѝ оставило најсилен впечаток?

„Најразлично се чувствував кога бев во пустината, не додека бевме на сафарито, туку потоа, кога бевме во кампот каде што имаше вечера, а додека јадевме се одржуваше шоу со танчари.

Не се опишува со зборови. Вака звучи едноставно, но мора да се доживее.

А моментот кога танчарката ме викна до неа, е тоа беше врвот.

И плажата Kite, голема, мирна, со посебна убавина и енергија. Тука е најубавото зајдисонце, има неверојатен мир, нешто што не смеете да го пропуштите.

Ме потсети на Venice Beach во Калифорнија.

Фонтаната под Бурџ Халифа е чиста емоција. Едноставно не ти се верува што се случува околу тебе, те лазат морници од убавина. Нешто неверојатно, а сосема бесплатно“, вели таа.

Јелена раскажа и за тоа како ги доживеала локалците како народ, па вели дека се многу среќни, насмеани, задоволни од животот таму и дека тоа чувство го добила уште во моментот кога пристигнала на аеродромот.

„Сите те поздравуваат, дури и во маркети, сите да ти помогнат ако прашаш нешто. Тие луѓе имаат сè и немаат причина да бидат исфрустрирани и несреќни.

Не за џабе е еден од најбезбедните градови во светот. Тука навистина се чувствуваш безбедно. Таму нема криминал“, вели Јелена.

Продолжува на следната страница...