Здравко ја запроси Катерина пред новогодишната елка на плоштадот во Скопје (видео)

Детали

четврток, 21 декември 2023

Музика на саксофон, елка и новогодишна атмосфера... Здравко Димовски клекна на едно колено и ја побара за сопруга својата сакана Катерина. Погледнете како изгледаше запросувањето на плоштад Македонија во Скопје.

Во новогодишна атмосфера, пред новогодишната елка на плоштадот Македонија во Скопје, Здравко Димовски клекна на едно колено и ја побара за сопруга својата сакана Катерина.

На своите профили на социјалните мрежи Здравко и Катерина објавија повеќе фотки од запросувањето и од прстенот.

Во изјава за CRNOBELO.com Катерина вели дека воопшто не очекувала дека нејзиниот дечко ќе ја запроси, па затоа не можела ниту да ги сокрие емоциите во моментот кога го видела како тој клекнал на едно колено.

„Но, пресреќна сум што му реков: ‘Да’!“ – вели кратко Катерина.

Таа откри дека Здравко ѝ дал букет со нејзините омилени рози, албум со нивни заеднички фотографии и една прекрасна порака.

Инаку, моментот на запросувањето беше проследен со звуците на саксофонот на нашиот саксофонист Стефан, кој видеото од запросувањето го објави на својот Инстаграм профил.

Погледнете го видеото:

Б. С. Б. | Црнобело / фото: Фејсбук