Браво! Барбара Поповиќ со импресивен настап во финалето на IDJ Show заврши на второто место (видео)

Детали

понеделник, 25 декември 2023

Нашата Барбара Поповиќ повторно издоминира на сцената на IDJ Show, но не успеа да победи во финалето на регионалното музичко натпреварување.

Македонската пејачка Барбара Поповиќ го зазеде второто место во регионално музичко шоу IDJ Show, во кое од самиот почеток важеше за еден од фаворитите.

Победник е Ѓана Смајо, која освои повеќе гласови на телевоутингот од нашата пејачка.

Во финалето Барбара имаше импресивен настап, а ја изведе песната „Ватрена“, која за неа ја компонираше Дарко Димитров, еден од членовите на жирито во шоуто.

„Сето ова е благодарение на тебе“, напиша Барбара на една од фотките со Дарко, а ја сподели на Инстаграм Стори.

Барбара доби многу пофалби и за пеењето и за настапот, а и голема поддршка од регионот, но сепак, немаше доволно гласови за победа.

И во изминатите изданија на натпреварувањето, таа беше одлична, а особено ја плени публиката кога ја испеа „Зајди зајди“, па го расплака и Дарко Димитров, но и Наташа Беквалац, исто така дел од жирито на шоуто.

Настапот на Барбара погледнете го од 2:04:38...

Прочитајте и Барбара Поповиќ за CRNOBELО: „Имам италијански корени, ќе пеам на Сан Ремо“

А. Ј. | Црнобело