Скопје е совршена пролетна дестинација според „The Times“: Фасцинантен град со богата гастрономска култура

Детали

петок, 01 март 2024

Реномираниот магазин „The Times“ го опиша нашиот главен град како фасцинантно место, со пристапни цени и богата гастрономска понуда. „Ова е совршена дестинација, место што не сте ни свесни дека ви е потребно да го посетите“, пишува во статијата.

Ако сакате да си поминете убаво за викенд, на локација која е само на 3 часа со авион од Лондон, посетете го Скопје, стои во препораката на британскиот „The Times“.

Главниот град на Македонија забрзано станува место за фасцинантен, прилично евтин и поинаков краток одмор.

Кафе културата која цвета, големиот број буџи барови (од кои голем дел се специјализирани за македонските вина), блескавите нови молови и безбројните музеи, само го дополнуваат ефектот.

Скопје се простира во планинска долина, пресечен на половина со реката Вардар. Поради земјотресите, градот морал да се гради повеќе од еднаш, а тоа придонело да се создаде спој во архитектурата, каде фантастичните вештачки неокласични градби си ги „допираат рамениците“ со градбите во модернистички и бруталистички стил. Тука се и големите статуи кои го делат мислењето на јавноста.

Со векови окупиран од амбициозни империи, Скопје, кој бил дел и од поранешна Југославија, бил витална трговска точка на Балканот.

Денес, градот во кој е родена Мајка Тереза, е калеидоскоп од различни националности, религии и традиции, со минариња кои никнуваат под крстот кој се наоѓа на врвот на планината Водно, пишуваат од The Times.

Како да поминете 48 часа во Скопје, според The Times?

Ден 1:

Утро: Градски музеј
Ручек: „Пелистер“
Попладне: Тврдина Кале
Јадете во: „Скопски мерак“
Вечер: Река Вардар/Градски парк
Пијте во: Ракија бар „Калдрма“

Ден 2:

Утро: Кањон Матка
Ручек: Хотел и ресторан „Кањон Матка“
Попладне: Жичница до планината Водно
Пијте во: „Балкан корнер“ во Стара чаршија
Вечер: Национална галерија на Македонија
Вечера: „Соул кичен“

Продолжува на следната страница...