Денес е чист понеделник – Што не се прави во првите 3 дена од велигденските пости?

Детали

понеделник, 18 март 2024

Првите 3 дена од постот, уште се нарекуваат и „чисти“ денови или тримери. Што не треба да правите тогаш?

Светата четириесетница или 40-дневниот велигденски пост бил востановен во чест на страдањата и христовото воскресение.

Христијанските верници еден ден по празнувањето на празникот Велики Поклади или Прочка, започнуваат со големиот 40-дневен велигденски пост.

Првиот ден од постот се нарекува уште и чист понеделник.

Според традициите и обичаите, првите три дена од велигденскиот пост уште се нарекуваат и тримери, односно денови во кои не се консумира ниту храна, ниту течност.

Во текот на понеделникот, вторникот и средата, кои уште се нарекуваат и „чисти“ денови правилото е да не се внесува воопшто никаква храна.

За време нa целиот пост во сабота и недела е дозволена употреба на масло, а во останатите денови од седмицата, односно од понеделник до петок не се употребува масло.

Рибата е дозволена да се консумира само на Благовештение (Благовец) и Цветници.

За време на целиот пост освен што се воздржувате од храна, потребно е да се воздржувате и од лоши мисли и дела, а се верува дека освен што постот има позитивно влијание врз духовното, тој влијае позитивно и врз физичкото здравје на христијаните.

Исто така во овој период треба да заборавите на пороците.

Прочитајте и „Го почнав велигденскиот пост за да го поддржам сопругот - од што ми е најтешко да се откажам?“

Б. С. Б. | Црнобело / фото: depositphotos.com