„100 никогаш не изгледале подобро“ – Шминкерката Фрози Фран во смели модни комбинации

Детали

понеделник, 25 март 2024

Во хеланки со исцртана танга за семејна тура со велосипеди низ Скопје, во кроп-топ со впечатлив натпис за вечерно излегување или целосно црни комбинации за прошетки – шминкерката Фрози Фран зрачи самодоверба каде и да се појави и гордо си ги носи облините, без да се предаде на здодевните плус-сајз облеки.

Шминкерката Фросина Ангеловска, позната како Фрози Фран, е доказ дека облините не се причина да се облекувате според стереотипите за плус-сајз дамите.

Таа го има прифатено своето тело и гордо си ги носи облините, а како вљубеничка во модата и шминката, каде и да се појави, секогаш е средена од глава до пети.

На својот Инстаграм профил, шминкерката често споделува свои секојдневни модни аутфити и ги инспирира своите 14.000 следбеници, докажувајќи дека и дамите со облини може да носат секаква облека, иако многумина се противат на тоа.

Викендов таа уживаше во велосипедска тура низ Скопје со сопругот и децата, облечена во храбар стајлинг, со хеланки со исцртана танга на нив, за истакнување на облините.

Претходно таа објави фотки од вечерно излегување, облечена во широки панталони и проѕирен кроп-топ на кој е испишано: „Гледај ме во лице“.

„100 никогаш не изгледале подобро“ – напиша таа до фотографија облечена во тесни црни панталони и ролка со разголен стомак.

Прочитајте и „Треба да ослабеш, ти препорачувам операција на желудник“ – Македонската шминкерка Фрози Фран одговори на бизарниот совет од клиентка

Фустани со шлиц, бели фармерки, тесни фустани – погледнете уште неколку смели комбинации од Фросина:

Продолжува на следната страница...