Сузана Гавазова направи тематска „Барби“ забава за роденденот на ќерката, покрај езеро

Детали

понеделник, 08 април 2024

„Ти си ми сè“ – ѝ порача пејачката Сузана Гавазова на ќеркичката Емили. По повод нејзиниот роденден, Сузана и сопругот Јасмин направија тематска „Барби“ забава покрај езеро, со голем број балони и секако со препознатливата кутија за фотографирање.

Фолкерката Сузана Гавазова викендов (06.04) го прослави 10-тиот роденден на ќерката Емили, а како што може да се види од објавените фотографии и видеа, тие приредиле тематска „Барби“ забава на брегот на Дојранското Езеро.

Просторот беше уреден со голем број розови балони во различни нијанси, диско топки и секако, „Барби“ кутија за фотографирање.

Ќерката Емили, која го прослави 10-тиот роденден била облечена во виолетов долг фустан, а мајка ѝ пак гордо позираше со неа во бел фустан и бела шапка.

На својот Инстаграм профил, Сузана упати емотивна порака до ќерката па напиша:

„Замисли нешто најубаво, најслатко, додај на тоа бесконечност, прошири го со вечност и украси го со ѕвезди.

Само тогаш ќе знаеш што ти посакувам, Среќен 10-ти роденден ќеркичке наша, да си ни жива и здрава! Те сакаме наша Емили“.

На крајот забавата заврши со спектакуларен огномет, а Сузана објави видеа од него на Инстаграм Стори и напиша:

„Среќен роденден Емили, ти си ми сè!“

За потсетување, Сузана Гавазова е во брак со сопругот Јасмин, кого го запозна додека живееше во Шведска. Тие двајца во последните години живеат во Македонија, заедно со двете ќерки.

На следната страница погледнете повеќе фотографии од роденденската забава на Емили...