Славчо Попоски, метеоролог: „За празниците повторно нестабилно време со локални врнежи од дожд и засилен ветер“

Детали

понеделник, 29 април 2024

„Во Скопје и околината веќе од среда очекуваме локална нестабилност, проследена со пороен дожд“, вели метеорологот Славчо Попоски за претстојниот период со продолжен викенд заради празниците.

По студениот бран и врнежите од снег на повисоките места, имаме можност да уживаме во сончевото време.

Но, од среда ќе се создадат услови за повторна дестабилизација на времето, односно можни се локални врнежи, грмотевици и засилен ветер.

Во продолжение, прогнозата на метеорологот Славчо Попоски:

„Уживајте во убавото пролетно топло време сè до вторник. Максималните дневни температури ќе се искачуваат во интервалот од 22 до 28 степени.

Веќе од среда, поради влијание на циклон од запад, ни следува подолг период на нестабилно време, па така особено од пладневните часови ќе има појава на локален пороен дожд, грмежи и засилен ветер.

Поради загреаната атмосфера исполнета со енергија, локално се можни и поинтензивни атмосферски процеси, во вид на невреме проследено со силен ветер и со појава на град.

И во Скопје и околината веќе од среда и во деновите потоа очекуваме локална нестабилност, проследена со пороен дожд, грмежи и засилен ветер.

Уште од сега Европскиот центар за среднорочна прогноза (ECMWF) кој ни е најажурен, во првата декада од месец мај прогнозира ново големо заладување на времето.

Што значи дека нестабилното време и со чести врнежи би го имале и за велигденските празници“.

Спирова С. | Црнобело

фото: Фејсбук, freepik.com