„Дали си мажена?“: Нашите јавни личности открија кое е најглупавото прашање што го добиле на прв состанок

Детали

вторник, 04 јуни 2024

Глупави прашања на прв љубовен состанок добиваат сите, дури и познатите. Лила Филиповска, Снеже Велков, Иван Јованов се само дел од оние кои ни открија што ги прашале нив додека биле на прв состанок.

Првите љубовни состаноци понекогаш знаат да бидат чудни, дури и по малку непријатни, особено ако двајцата сте срамежливи, исплашени, не знаете дали ќе имате теми за разговор и дали ќе си поминете убаво или состанокот ќе биде вистинска катастрофа.

Па во целата таа ситуација, се случува да поставите или да ви постават прашање кое е толку чудно, дури и глупаво, што нема да знаете како да одговорите.

Исклучок не се ни познатите. Затоа, направивме анкета на CRNOBELO.com и ги прашавме нашите јавни личности кое е најглупавото прашање што некој им го поставил на прв состанок.

Прочитајте ги нивните одговори:

Иван Јованов, пејач

Добро прашање, ха, ха, ха. Имаше ситуација кога после драмска тишина, девојката ме праша: „Кога нова песна?“

Лила Филиповска, ТВ-водителка

На состанок ме прашаа дали сум мажена во моментот.

Снеже Велков, ТВ-водителка

Дечко ме праша: „Очите твои се?“

Јас одговорив: „Не, на татко ми се, ама ми ги дава кога искачам“.

Тој мислел да ме праша леќи дали носам, ама во моментот беше многу глупаво.

Јана Бурческа, пејачка

Не беше на дејт, ама беше интересна ситуација што ја паметам и денес. Ми пријде тип во диско на времето и го гледам дека е видно заинтересиран, па затоа го информирам дека сум во 4-годишна врска.

И тој ми вели: ‘А после 4 години сок од јаболка, нели сакаш сок од портокал?’

Му честитав за инвентивноста и го земав со мене кај другарките за да им раскажам што ми кажал, па потоа го испративме да си оди.

Димитар Атанасовски, водител

Имаше ситуација кога на прв состанок една девојка ме праша: „Дали ти се свиѓам?“

Цеце Николова, ТВ-водителка

На прв состанок дечко ме праша која ми била омилена перика.

Се разбира, афро-плетенки. Обично во понеделник преферирам да ја носам таа фризура на работа, зашто викендашки имам најмногу време темелно да ѝ се посветам на немирнава коса.

Христијан Стојаноски, интернационален модел

Девојка ме праша: „Зошто си сингл?“

Ѝ одговорив уште поглупаво: „Затоа што ми се може“.

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело