Емоции до солзи: Татковци танцуваат со ќерките-принцези во скопска градинка (видео)

Детали

понеделник, 03 јуни 2024

Мали, слатки девојчиња облечени како принцези, танцуваат со нивните татковци на песната „Ти си принцеза“ во скопска приватна градинка – најемотивното видео што ќе го видите денес.

На сите ни е добро познато дека ќерките се татини принцези, а токму оваа симболика е прикажана во скопска приватна градинка, на приредба за испраќање на првачиња во училиште.

На Фејсбук профилот на градинката е објавено видео кое не остава никого рамнодушен и ќе ве преплави со тон емоции.

Додека во позадина свири песната „Принцеза“ од Дадо Топиќ и Слаѓана Милошевиќ, осум слатки девојчиња, облечени во розови фустанчиња со тул, танцуваат.

Во еден момент, на сцената им се придружуваат нивните татковци, облечени во бели кошули, кои клекнуваат пред ќерките на едно колено, ги вртат околу нив, а потоа ги прегрнуваат и продолжуваат со изведбата.

Прекрасна идеја, која треба да биде пример дека и татковците треба да бидат вклучени во секојдневните активности на децата, бидејќи како што пишуваат од градинката, тие се нивните кралеви. 

Погледнете го видеото:

/?rdid=lARpajjjMdQkAMed

M. M. | Црнобело