Скопска љубовна приказна: Омер ја запроси саканата Ирма (22) во ресторанот на Адријан Гаџа, таа се расплака од среќа

Детали

четврток, 18 декември 2025

„Тремата беше преголема, бев изгубен, искрено. И ме примети Ирма и така знаеше дека ќе се случи нешто. Кога клекнав, се расплака од среќа и кажа ‘ДА’ и сè беше преубаво - самата вечер, луѓето околу нас, местото“, вели Омер (24), кој ја запроси саканата во ресторанот на Адријан Гаџа.

Омер Зеќировиќ (24) од Скопје, по 11 месеци врска, ја запроси својата девојка, скопјанката Ирма Хасиќ (22) во еден од нивните омилени локали во градот, ресторанот Cha-Cha на Адријан Гаџа.

Омер со многу трема клекна на колено пред својата сакана, Ирма, а таа се расплака од среќа кога го виде прстенот.

За моментот кој ги разнежни и гостите во ресторанот, Омер раскажа за CRNOBELO.com:

„Во врска сме од јануари 2025-та и со Ирма имаме зборувано на темата за брак, но таа не знаеше дека ќе ја запросам, но мислам дека чувствуваше.

Прстенот го избрав со сестра ми, но е избран по мој вкус.

Cha-Cha е наше место, таму највеќе го поминуваме времето, за нас тој ресторан во Скопје е најтопол, има најубава атмосфера, има предобра услуга.

Тремата беше преголема, бев изгубен искрено. И ме примети сопругата и така знаеше дека ќе се случи нешто.

Нејзината реакција беше преубава. Кога клекнав, таа се расплака од среќа и кажа ‘ДА’ и сè беше преубаво - самата вечер, луѓето околу нас, местото.

Не очекувавме дека ќе направиме бум во Скопје, но и горди сме зашто така излезе, да внесеме малце позитива во овој наш негативен град“.

Фотографиите и видео од запросувањето објавија и од ресторанот на Адријан, со порака: „Едноставна вечера се претвори во незаборавен спомен“.

Кликнете на објавата и погледнете го видеото:

©CRNOBELO.com Забрането преземање и копирање. Крадењето на авторски текстови е казниво со закон.

А. Ј. | Црнобело