Лежалка 200 денари, чаша вино 250: Какви се цените во Трпејца ова лето?

Детали

четврток, 11 јули 2024

На плажите може да се најде слободна лежалка, а и рестораните не се преполни како што сме навикнати да ги гледаме во овој период од годината. Како се движат цените во Трпејца во лето 2024?

Иако летната сезона е во полн ек, Трпејца, или македонското Сен Тропе, како што ја нарекуваат, не е преполна со туристи како изминатите години.

На плажите лесно може да се најде место и слободна лежалка.

Ни рестораните не се преполни како што сме навикнати да ги гледаме во овој период од годината.

Или, можеби причината за тоа што во Трпејца немаше многу луѓе, беше тоа што ја посетивме среде недела, кога и локалците и жителите на околните места се на работа.

Како се движат цените во ова прекрасно селце и излетничко место?

Една лежалка е 200 денари, а сет од две лежалки е 400 денари, без вклучен пијалак.

Нескафе е 100 денари, а другите кафиња се поевтини.

Чаша наливно вино е 250 денари.

Порција стек е 400 денари.

Рибата е од 650 денари, па нагоре.

Доколку после посетата на Трпејца, решите да се качите на Галичица и да уживате во прекрасниот поглед што се протега пред вас (но и да земете здив од топлото време), за автомобил ќе треба да платите 250 денари и по уште 100 денари за секој човек.

Повеќе фотографии:

А. Ј. | Црнобело / фото: С. С.