Јелена Спенџарска за темните дамки на лицето: „Требаше да почнам да ја третирам мелазмата порано“

Детали

понеделник, 23 септември 2024

„Нема песимизам, нема никогаш нема да ти пројде, џабе се мачкаш... Ова го пишувам затоа што луѓето многу често знаат да се обесхрабрат од неуспешни приказни од други луѓе и да ги фрлат во корпа сите свои надежи“, напиша Јелена Спенџарска.

Јелена Спенџарска отворено зборува на многу теми, а така е и кога станува збор за здравјето.

Таа откри дека се соочува со мелазма. Во нејзиниот случај станува збор за појава на потемна кожа на делови од лицето.

Мелазмата е вид на хиперпигментација која почесто се јавува кај жените. Се јавува во вид на големи, темни подрачја како дисколорација на лицето, иако можат да бидат зафатени и други делови на телото.

Причините за појава на мелазма се различни, a e поврзана со производството на пигментот меланин.

Прекумерното производство доведува до појава на хиперпигментации, заради што настануваат темни дамки, додека пак недоволното производство има спротивен ефект, односно дамки без пигмент на зафатените подрачја.

Исповедта на Јелена на оваа тема на Инстаграм Стори гласи:

„Мислам дека за месец дена максимум ќе се повлече уште повеќе, практично ќе го снема.

Ја сменив целата рутина на лицето. Чистење двапати дневно, досега немам промашено, хидрокинон 4%, ниацинамид и крема со заштитен фактор, најмалку 30-ка.

Толку. Нема песимизам, нема ласер, нема никогаш нема да ти пројде, џабе се мачкаш, нема витамин Ц и уште не знам што...
Секоја кожа е различна и нешто што ви помогнало или не ви помогнало – се однесува само на вас и крај.

Ова го пишувам затоа што луѓето многу често знаат да се обесхрабрат од неуспешни приказни од други луѓе и да ги фрлат во корпа сите свои надежи.

Мора да истражувате и да видите што ќе функционира за вашиот проблем, што и да е тој, мора да има нешто. Најлесно е да се откажете.

Единствено што јас требаше да направам е многу порано да почнам да го третирам ова. Уште пред две години кога првпат ми се појави првата точка и јас не ја сфатив сериозно.
Минатата година се прошири и бавно, бавно дојде до ова.

Меѓутоа за сè има спас. Има случаи кога мелазмата се повлекува и сама од себе. Мојава не е таква, ама ќе ја средам“.

Напомена: Доколку се соочувате со ваков тип на здравствена состојба, задолжително консултирајте се со доктор

Прочитајте и Марис за естетската корекција на увото: „Процедурата е безболна, ја правев во Државна болница кај д-р Игор Пеев“

С. С. | Црнобело