Славчо Попоски, метеоролог: „Неделава нè очекува студено време, со утрински температури и под нулата“

Детали

понеделник, 04 ноември 2024

„Во Скопје и околината ќе имаме стабилно, суво и сончево време, со услови за појава на магла“, вели Славчо Попоски за претстојната недела.

По топлиот октомври, во првите денови од ноември почнуваме да ги чувствувате есенските температури.

Иако ќе биде сончево, утринските температури на некои места ќе се спуштат и под нулата.

Во продолжение прогнозата на Славчо Попоски:

„Во текот на оваа работна недела, и тоа под влијание на значително постудена воздушна маса која се спушта од северните и од североисточните предели на Европа, времето во Македонија ќе биде стабилно, суво, сончево и значително постудено, особено во утринските часови.

Ќе има и повремено појава на мала до умерена локална облачност.

Ќе биде претежно тивко, па така во утринските часови по одделни котлини ќе има појава на магла и на ниска облачност.

Наутро температурите во поголем дел од Македонија ќе се спуштаат под нулата, односно тие ќе се спуштаат во интервалот од 6 до 3 степени Целзиусови.

Максималните дневни температури, пак, ќе се искачуваат во интервалот од 13 до 19 степен Целзиусови.

Само понекаде во југоисточните предели температурата ќе се искачи до 20 степени Целзиусови.

Во Скопје и околината во текот на оваа работна недела ќе имаме слично време, односно стабилно, суво и сончево, повремено со мала до умерена локална облачност.

Ќе биде претежно тивко, а во утринските часови ќе има услови за појава на магла и на ниска облачност.

Наутро температурата ќе се спушта во интервалот помеѓу 0 и 2 степени Целзиусови, додека максималната температура ќе се искачува во интервалот помеѓу 17 и 18 степени Целзиусови“.

Спирова С. | Црнобело

фото: Фејсбук, freepik.com