Викторија Јаначковиќ: „Ќерка ми ја родив на 41 година, а да се биде самохрана мајка значи да се биде жена-борец“

Детали

понеделник, 11 ноември 2024

„Kога се роди Никита, знаев да кажам: ‘Леле што не родив на 22 години вакво дете’ и потоа знаејќи дека немаше Никита да биде ваква ако ја родев на 22, веднаш се тргам од таа мисла. Освен болка во кичмата, не гледам други недостатоци кога жена раѓа дете повозрасна...“, вели Викторија Јаначковиќ (43) за CRNOBELO.com.

Викторија Јаначковиќ (43) родена е во Ниш, а веќе 20 години Скопје ѝ е дом. Тука дипломирала стоматологија и магистрирала на Правен факултет, отсек воена дипломатија.

Долги години работеше како модел.

Сега, нејзиниот главен фокус е нејзината ќерка Никита и вели дека да се биде самохрана мајка, значи да се биде жена-борец, но дека мајчинството е најдоброто нешто што ѝ се случило во животот.

За CRNOBELO.com таа говори за оваа нејзина улога:

„Никита ја родив на 41 година и по моите видувања да се стане родител на оваа возраст има свои предности и мани.

Честопати, на почеток, знаев да кажам: ‘Леле што не родив на 22 години вакво дете’ и потоа знаејќи дека немаше Никита да биде ваква ако ја родев на 22, веднаш се тргам од таа мисла.

Кога гледам млади мајки ми изгледа супер, но емоциите на таа возраст се сосема поинакви. Сметам дека тогаш растеш ти, паралелно со растењето на детето.

Некако си растргнат – дали ти да се градиш како личност и образуваш или да ‘нишкаш’ и растеш дете.

Освен болка во кичмата, не гледам други недостатоци кога жена раѓа дете повозрасна. И тие од 22 и 28, а и ние од 43 сме мајки. Сакаме сè најдобро за нашите деца.

Да не беше мајка ми и мојата најдобра другарка, мислам дека сè потешко би одело и навистина сум им благодарна за тоа.

Самохрана мајка е жена-борец, но не и патетична. Јас никогаш кај никого не сум предизвикала сожалување, затоа што едноставно немам таков став.

И, нормално, има моменти кога е тешко, ама недостига маж само за носење ќеси (ха-ха).

Самохрана мајка сум, но не сум осамена затоа што ја имам неа. Поентата на животот ми е таа, а не маж.

Продолжува на следната страница...