Виктор од Велес: „Моментално се грижам за 60 кучиња, како и за 3 спасени коњи, 2 кози и една овца“

Детали

вторник, 26 ноември 2024

„Моментално имам свое прифатилиште каде се грижам за повеќе од 60 кучиња, сите спасени од улица. Повредени, малтретирани и напуштени од човек…“, вели Виктор Мазнев (26) за CRNOBELO.com.

Виктор Мазнев (26) од Велес е дечко со срце планина, со кој направивме интервју за неговата хуманитарна работа со животните уште во далечната 2018 година.

Познат е како огромен активист за правата на животните и веќе години наназад им го отвора својот дом на бездомните животни од Велес и им дава нега и љубов.

Тој и денес не сопира со својата мисија да спаси што е можно повеќе животни.

За CRNOBELO.com тој открива како се одвива неговата мисија:

„Моментално имам свое прифатилиште каде се грижам за повеќе од 60 кучиња, сите спасени од улица.

Повредени, малтретирани и напуштени од човек - на голем дел многу повеќе им е потребна социјализација и враќање на довербата во луѓе за да бидат вдомени.

Голем дел од нив се вдомени во Англија, Франција, Холандија, Германија каде се чувани како дел од семејствата.

Редовно добивам информации од вдомувачите како напредуваат милениците, а подоцна истите луѓе стануваат и мои пријатели и поддржувачи.

Моментално имам и 3 спасени коњи, две спасени кози и една овца спасена од колење за Велигден.

Продолжува на следната страница...