Спенџарска и Милена Антовска снимија пародија со колешките: „На новогодишна забава од фирмата во која сите сакаме да си дадеме отказ“

Детали

понеделник, 16 декември 2024

„На новогодишна прослава од фирма во која сите барем по 100 пати сакавме да си дадеме ‘отказ’, ама се држиме цврсто заедно“ - пишуваат водителките на „Здраво Македонијо“ на забавното видео кое има преку 50.000 прегледи за половина час, а е пародија.

Во деновите кога сите телевизии на големо ги снимаат новогодишните емисии, исклучок не е ни Канал 5.

Па, така, денес (16.12) се снимаше празничното издание на емисијата „Здраво Македонијо“, чии водители се дури 6 дами и еден маж - Роберт Јанков.

Јелена Спенџарска, Милена Антовска, Цеце Николова, Вера Мештеровиќ, Александра Пановска Илиевска Панова, и Бисера Ловачева (која најчесто снима на терен), дотерани како за прослава: во светкав фустан, во фустан со шлиц до колк или едноделни црвени панталони, освен што ја снимаа емисијата, истовремено се забавуваа одлично.

Па дел од атмосферата ја споделија и во видео на Инстаграм со порака „Само весело“.

И додека девојките играат, Роберт делува како да му е здодевно, па си пие бело вино.

„На новогодишна прослава од фирма во која сите барем по 100 пати сакавме да си дадеме ‘отказ’. Ама со години се држиме цврсто заедно“ - пишува Спенџарска.

Видеото е вистински хит на Инстаграм и за половина час има преку 50.000 прегледи и над 1.000 лајкови.

Кликнете го видеото и погледнете ја забавната новогодишна атмосфера во Канал 5:

А. Ј. | Црнобело