Софија Николовска е експерт за сармички: „Ги редам во форма на македонското сонце и имам трик при подготовката“

Детали

петок, 20 декември 2024

„Уживам да готвам за моето семејство. Порасната сум со домашно зготвена, традиционална македонска храна и моите најубави сеќавања од детството се поврзани со храната на мојата покојна мајка“, вели Софија Николовска од Скопје за CRNOBELO.com.

Софија Николовска од Скопје, сметководител по професија и мајка на 19-годишниот Дарко, обожава готвење, а омилено ѝ е да прави сармички за своето семејство.

Во екот на славите, таа за CRNOBELO.com ги открива своите трикови при подготовката, како и тоа што ѝ се допаѓа повеќе – сарма со кисела зелка или сарма со лозов лист.

Софија за CRNOBELO.com вели:

„Уживам да готвам за моето семејство, тоа е еден од начините преку кои им ја искажувам мојата љубов и грижа.

Порасната сум со домашно зготвена, традиционална македонска храна и моите најубави сеќавања од детството се поврзани со храната на мојата покојна мајка.

Миризбата која се шири од домашниот ручек знае да ме врати во конкретни сегменти од детството. Тие сеќавања се од непроценлива вредност и настојувам да ги создадам кај син ми.

Еден од моите омилени рецепти е сармата. Сармата е јадење кое бара да му се посветиш малку повеќе за да се постигне тој автентичен вкус и изглед.

Во овој дел од годината стасува зелката, и почесто правам сарма од кисела зелка. Особено омилена ми е посната сарма што ја спремам по повод именденот на татко ми Никола.

Традиционално се спрема смеса од ситно исечкан и пропржен праз, ориз, масло и зачини со кои се полнат листови од кисела зелка, мотајќи ги во форма на сармички.

Морам да кажам дека сармичките ги виткам со рака, не користам машинка.

Најчесто сакам да ги наредам кружно во форма на македонското сонце.

Продолжува на следната страница...