Нима Шерпа (27) од Непал дојде да работи во македонски ресторан: „За Македонија слушнав од пријателите“

Детали

среда, 29 јануари 2025

„Планирам да останам во Македонија околу 2 години. Животот во Непал е добар, но и тежок за живеење на моменти. Природата ни е неверојатна и земјата е рај за планинари“, вели Нима Шерпа (27) од Непал за CRNOBELO.com.

Нима Шерпа (27) од Непал дошла во Македонија за да работи во ресторан, бидејќи ситуацијата во нејзината родна земја не била сјајна кога станува збор за заработувачката.

Таа работи во ресторанот „Bellissimo“ во Кавадарци, во сопственост на македонскиот ракометен голман Петар Ангелов Диви.

Ја прашавме како дошла на идејата да дојде токму во Македонија.

Нима за CRNOBELO.com споделува:

„Планирам да останам во Македонија околу 2 години, можеби и подолго.

Животот во Непал е добар, но и тежок за живеење на моменти.

Природата ни е неверојатна, поради екстремната разлика во надморска височина која ја имамe, од ниските предели на нивото на морето до највисоките врвови на Хималаите.

Непал е најпознат како рај за љубителите на планините, но посетата на Непал ќе ви открие шармантни ридски села, тивки будистички манастири, древни хиндуистички храмови и уникатен начин на живот и култура.

За Македонија слушнав од моите пријатели и дојдов тука за работа.

Многу сме ѝ благодарни на Агнеса Органџиева што ни обезбеди работа, храна, сместување и што се грижи и нè поддржува како мајка, затоа што знае како е да се биде странец во друга земја – некои ќе те прифатат, а некои не.

Таа е заштитнички настроена кон сите нас, и ни се допаѓа што полека и внимателно нè воведува во вашиот свет.

Многу сме благодарни што се појави во нашите животи. Бог ја испрати кај нас.

Сакаме да го доживееме новиот начин на живот, традициите и начинот на живот тука во Македонија.

Ми се допаѓа земјата, затоа што на некој начин е слична на мојата родна земја“.

©CRNOBELO.com Забрането преземање и копирање. Крадењето на авторски текстови е казниво со закон.

С. С. | Црнобело