Мајка од Прилеп: „Направивме операција на крајниците на ќерка ми Инес (6) – што беше најтешко?“

Детали

четврток, 06 февруари 2025

„Ќерка ми Инес имаше проблеми со чести настинки, проблеми со дишење и со слухот. Се оперираше пред 2 години, но само трет крајник. Сега, на 6-годишна возраст, помина низ истото по вторпат. Ги опериравме сите 3 крајници“, ја започнува својата приказна Ивана Ѓорѓиоска за CRNOBELO.com.

Ивана Ѓорѓиоска од Прилеп е мајка на две дечиња, која храбро се избори со ракот, и ја сподели својата приказна јавно за да ги охрабри и другите кои се соочуваат со истото.

Прочитајте и Ивана од Прилеп го победи ракот: „Ќерка ми (5) ми ја скрати косата кога почна да ми паѓа од хемотерапијата“

Таа сега искрено на Инстаграм сподели и низ каков оперативен зафат минала нејзината ќерка Инес (6) и сподели неколку совети за сите родители.

Станува збор за операција на крајниците, која малата храбра Инес одлично ја поднела.

Објавата на Ивана гласи:

„Минатата недела се соочивме со предизвик како семејство – операција на крајниците на мојата мала јуначка.

Благодарна сум што сè помина добро и што таа е храбра како никогаш досега.

Ова искуство ме научи многу, и сакам да споделам неколку совети за сите родители кои можеби ќе се соочат со слично.

- Подгответе се за операцијата и деновите поминати во болница со многу игри, многу прашања кога ќе си одиме дома и многу барања за храна, баш кога ќе се вклучи црвено светло за јадење.

- За време на закрепнувањето очекувајте доста кенкавост, барања повторно на храна која е забранета, барање да се излегува надвор од дома... Очекувајте плачење од болки, плачење од досада.

И очекувајте го денот за контрола.

- Не им ветувајте на децата дека после операцијата нема никогаш да настинуваат.

Јас ветував и викав – „Храбра си на мама, кога ќе ги извадиме крајниците нема никогаш повеќе да си болна“, за три дена пред самата контрола да 'закачиме' сите до еден дома вирус/грип од кој Инес прва се зарази и мислеше дека ѝ ги вратиле крајниците назад.

Но, да не се е толку безнадежни приказниве наши, знаете дека на крај сè ќе биде добро.

Праќаме позитива, посебно до сите оние што поминуваат низ тежок период“.

Ја контактиравме Ивана и ја запрашавме како се одлучиле за операција на крајниците на Инес.

Продолжува на следната страница...