Татјана Лазаревска го прослави 50-тиот роденден во Австралија - Го бакнува сопругот и пее, а синот свири на тапан

Детали

четврток, 13 февруари 2025

„Денес сум многу среќна, посебно што си ја имам својата фамилија - синовите Петар, Стефан и мојата љубов Новица. Ова е моето богатство, за ова се живее и наредни 50 години“ - кажа пејачката Татјана Лазаревска, која направи голема забава за својот роденден.

Фолк пејачката Татјана Лазаревска, која една деценија живее во Австралија, вчера (12.02) наполни 50 години.

Таа роденденот го прослави со голема забава, на која освен сопругот и синовите, беа и многу нејзини пријатели кои живеат во Австралија.

Меѓу нив беше и Марјана Новачевска, близначката на Росана Сариќ Тодоровска, која е една од најблиските пријателки на Татјана.

Лазаревска сподели дел од атмосферата на роденденската забава преку Фејсбук, со вклучување во живо.

Таа им пееше на гостите, играше со нив додека нејзиниот син свиреше на тапан качен на стол, се забавуваше.

И сето тоа беше опуштено, без помпа или дрес код, па за роденденот Татјана избра бела маичка и шарени панталони, а и гостите беа облечени кежуал.

Пред да ги дувне свеќичките на тортата, пејачката одржа и краток говор.

„Петка и нула за мене не значи ништо. Значи само пола живот. Уште пола следува, подобрата половина следува.

Денес сум многу среќна, посебно што си ја имам својата фамилија - синовите Петар, Стефан и мојата љубов Новица.

Ова е моето богатство, моето сè, за ова се живее и наредни 50 години. Ве сакам“ - кажа Татјана, па ги бакна тројцата најважни мажи во својот живот.

Претходно, на Инстаграм, сама си го честита роденденот со фотка на која е испишан бројот 50.

„Роденден ми е. Здраво 50-ти години. Животот е убав“, напиша таа.

А. Ј. | Црнобело