Тања Џамбазова за односот со Игор: „Горда сум што брат ми остана во Македонија, имаше можност да оди каде сака“

Детали

вторник, 07 октомври 2025

„Ние имавме многу малку контакти. Животите ни беа на двајцата тотално непредвидливи. Меѓутоа, секојпат кога ќе се видиме како до вчера да завршил разговорот и сега си го продолжуваме кафето...“, вели Тања Џамбазова за односот со својот брат Игор Џамбазов, кој неа ја нарекува и најдобра пријателка и докторка и згрижувачка.

Игор Џамбазов неретко истакнува колку ја сака својата сестра Татјана Џамбазова, која милува да ја вика Тања, и за која отсекогаш верувал дека Македонија е премала, а сега истото го мисли и за светот.

Татјана е авантурист и вљубеник во животните, природата и животот општо. Со децении живее во Сан Франциско, но постојано патува, а посебно место во нејзиното срце има Африка.

Инаку, Тања е архитект/технологист со завидна кариера на светско ниво. Пред извесен период, таа гостуваше во подкастот на Стефан Лазаров, а покрај на многу други теми, проговори и за односот со Игор Џамбазов.

Тања на прашањето од Стефан „Каква ви беше релацијата со Игор додека ти беше на сите тие патувања?“, вели:

„Ние имавме многу малку контакти. Животите ни беа на двајцата тотално непредвидливи.

Меѓутоа, секојпат кога ќе се видиме како до вчера да завршил разговорот и сега си го продолжуваме кафето.

Сме се прифатиле какви животи имаме.

Секогаш сме биле двајцата еден за друг тука.

За него, горда сум на многу работи. Прво, затоа што остана во Македонија.

Игор имаше шанси да биде што сака и да оди каде сака.

Тој толку вади секојдневни инспирации од оваа непрефектна земја, од тој убав јазик, од тие убави традиции, култури и многу ми е драго што остана затоа што гледам дека е еден од тие луѓе што се обидуваат да го сочуваат, на еден специфичен и негов начин, тоа што нè прави Македонци или што ја прави оваа земја убава.

Друго што многу го почитувам е што тој не запира.

Постојано ние комуницираме по Инстаграм и ќе ми пушти: „Систер, гледај го спотов не е уште објавен. „Еј систер, слушај ги зборовиве, напишав за Тамара песна“ и „Еј, имам идеја на нова претстава“.

Јас сè уште се надевам дека ден тој и јас ќе играме во претстава заедно, тоа ми е животна желба и само му пуштам некои текстови „Леле, брат, што сум гледала“.

Кликнете на видеото:

С. С. | Црнобело