Ина Многуфина: „Ова е сè само не обичен грип, јас ваков грип немам видено досега - те треска од земја“

Детали

петок, 14 февруари 2025

„Грипов лупа од никаде со температура демек ‘Здраво, јас дојдов’. Температурата е во почеток 37.8 као не се плаши, не мора одма да идеш на лекар - може сум само настинка. Демек. За пола саат почнува таква треска што чашата за вода не можеш да ја погодиш под чешма за да напуниш...“, вели Ина Многуфина во вирална објава. Дали и вам ви изгледа дека сите се болни? Дали и вие поминавте низ тоа?

Дали и вие имате чувство дека сите околу вас се болни и тоа не им поминува брзо, туку трае и трае и по неколку седмици? Или, пак, можеби и самите бевте „покосени“ од сезонскиот грип?

Твитерџиката Ина Многуфина сподели свое искуство на темата и многумина во коментари кај неа се пронајдоа дека поминале низ истото.

Меѓу оние кои ѝ коментираа беше и Миа Костова, која вели: „После победата немам вкус и мирис ден 13“.

Статусот ќе ви го пренесеме во оригиналната верзија.

Објавата на Ина Многуфина:

„Па ко ќе излезат вака со статистики за грипот ко да некому му е битно колку има поише од лани заболени.

Никој не излезе да ги раскаже симптомите на ова чудо да се спремиме дома со суплементи.

Еве јас ќе ви раскажам како изгледа само една верзија од овогодинешниот, ајде да го наречеме обичен, сезонски грип, ама јас ваков грип неам видено до сеа.

Лупа од нигде никаде со температура демек здраво јас дојдов. Температурата е во почеток 37.8 као не се плаши, не мора одма да идеш на лекар може сум само настинка.

Демек. За пола саат почнува таква треска што чашата за вода не можеш да ја погодиш под чешма за да напуниш.

Тука сфаќаш дека ќе биде голема борба ама ти ќе мора да го згазиш.

Прво идеш на лекар и правиш крвна слика, значи одма, не се лечиш сам.

Со се тие суплементи и апчиња за температура се спремаш за следните 5 дена да го газиш вирусот да се покае што наминал. И стиска вирусот, ти не се даваш, он појако негде со 39.5, ти пак не се даваш и само се потиш.

Тука реално победуваат овие шо ги мрзеше да ги дигнат летните алишта пошо преслакаш маици на 15 минути, жива вода си од врат до работ на долните пижами, со сè јорган, перници и цела постелнина.

Апетитот расположен ко пијаница на Боемска. Температурата не попушта ко пратеник за патарина. Шанса нема да се откаже. Почнуваш да мислиш дека ова никад нема да попушти.

Ден петти. Температурата те остава одеднаш ко жена што престанала да те сака. Одеднаш ја снемува. Ти остануваш со апчињата, без еден атом енергија ко да те фрлиле од поплава.

Продолжува на следната страница...