Нашата балерина Стефанија Гаштарска: „Се оперирав во Русија и со мајка ми сакав да се вратам дома, но докторот ме премисли“

Детали

среда, 19 февруари 2025

„Пред неколку месеци го замолив Бога да ми помогне. Се уморив од борбата, од страдањето и од тоа да се занимавам со мојата најсакана работа - балетот, додека трпам силна болка. 1.827.682 дијагнози, исто толку мислења од доктори...“, ја започнува својата исповед нашата балетска гордост Стефанија Гаштарска.

Нашата балерина Стефанија Гаштарска од најмлада возраст реди успеси во Русија, но периодов минува низ тежок период, на кој, за среќа, му се гледа крајот.

Таа по долго време трпење на болки и проблеми со коленото, конечно одлучила да се оперира.

Операцијата била изведена во Русија, но за рехабилитацијата сакала да се врати дома, во Македонија.

Сепак, благодарение на советот од еден руски доктор останала таму и сега зборува за целото искуство на нејзиниот Инстаграм профил.

Нејзината исповед гласи:

„Пред неколку месеци, од длабочината на својата душа, го замолив Бога да ми помогне.

Се уморив од борбата, од страдањето и од тоа да се занимавам со мојата најсакана работа, додека трпам силна болка. 1.827.682 дијагнози, исто толку мислења.

Се уморив од земање таблети, од инјекции за болка, од испробување 100.000 различни процедури: ласер, озон, ФТЛ, теретана, пливање, инјекции, кинеска медицина, остеопатија, позитивни мисли, биоенергија… Сè што постои.

Ништо не ми помагаше.

Бог ме одведе во ЦИТО (Истражувачки центар и институт за трауматологија и ортопедија - една од најголемите медицински установи во Русија). Тука почувствував и сфатив дека сум во сигурни раце.

Ми беше неизмерно страв. Никогаш нема да го заборавам моментот кога плачев и се молев пред операционата сала, но со појавата на докторот Анатолиј Корнеевич, целосно се смирив.

Почна да разговара со мене, да ме прашува при кои движења ме боли коленото и дури како стојам...

Се смирив, бидејќи разбрав каде се наоѓам. Во болница каде што работат вистински професионалци, и немав ни најмало сомневање дека мојот проблем ќе биде решен.

Операцијата помина многу брзо и лесно! Од сè срце му благодарам и на мојот доктор, Димитриј Олегович Василев.

Продолжува на следната страница...