Романтично запросување во Маврово - 31 роза и прстен за инфлуенсерката Стефанија Кржеска

Детали

вторник, 25 февруари 2025

„Панче ме држеше за рака и раката почна да му трепери. По неколку чекори клекна на колено: ‘Дали ќе се омажиш за мене?’. А јас се збунив, па го прашав ‘Што треба да правам јас сега?’, на што тој ми рече ‘Кажи нешто' и му кажав ДА!“, вели за CRNOBELO.com нашата инфлуенсерка Стефанија Кржеска.

Нашата модна инфлуенсерка Стефанија Кржеска (25) се сврши со своето момче Панче Патоски (26).

Тој ја изненади на една од нивните редовни еднодневни екскурзии до Маврово, кога на снегот клекна пред неа и ѝ подари прстен и букет рози.

Стефанија и Панче се од Прилеп, а во љубовна врска се скоро 5 години.

Таа е магистриран правник и работи во адвокатска канцеларија, додека Панче е магистриран политиколог.

За својата љубовна приказна, но и за запросувањето за кое Панче тајно организирал сè, па дури и ангажирал фотограф без нејзино знаење, Стефанија ни раскажа во разговорот за CRNOBELO.com:

„Искрено, не паметам како сме се запознале, се знаеме од многу мали, уште од основно училиште. Но, во врска сме скоро 5 години.

Иако сме разговарале за брак и сме планирале иднина заедно, ни на крај памет немав дека ќе ме запроси сега.

Моите очекувања беа дека запросувањето ќе биде на некое подалечно патување.

Во јануари бевме на патување низ Европа, и искрено, повеќе очекував да ме побара за сопруга таму, отколку сега.

Ние секоја година за Денот на вљубените одиме некаде на викенд.

Па така, оваа година се договоривме да одиме на викенд во Маврово.

Но, бидејќи Панче чекал прстенот да биде изработен, ми кажа дека е сè букирано и дека ќе одиме во Маврово нареден викенд.

Јас не се посомневав, му реков ‘Во ред, нека биде нареден викенд, не е проблем’.

Јас тој ден требаше да снимам реклама за Инстаграм, која требаше да биде снимена во некој ресторан.

Се договоривме да одиме во ресторанот, а тој наместо да тргне натаму, возеше кон местото кое му било планирано за да ме запроси.

Искрено малку се налутив, му реков ‘Каде одиме сега наваму, горе нема ресторани, а јас треба да снимам за рекламата која ми е договорена’.

Но, тој ме убеди некако дека подоцна ќе ја снимаме рекламата.

Продолжува на следната страница...