Славчо Попоски, метеоролог: „Нè очекуваат високи температури, но и пороен дожд со можност за поплави“

Детали

понеделник, 10 март 2025

„Кај нас, локално се очекуваат поинтензивни атмосферски процеси во форма на невреме со обилен пороен дожд, силен јужен ветер (над 75km/h), грмежи и со услови за појава на град“, вели Славчо Попоски за претстојниот период.

Иако деновиве ни изгледа како пролетта веќе да е овде, според метеоролошките анализи, наскоро можеме да очекуваме обилни врнежи од дожд.

Иако релативно високите температури ќе се задржат, ќе има многу врнежи од дожд, но и силен ветар.

Во продолжение, прогнозата на Славчо Попоски за претстојниот период:

„Нов метеоролошки екстрем од денес (понеделник 10 март), па сè до следниот понеделник (17 март) ќе го погоди целиот Балкански Полуостров, и секако, вклучувајќи ја и нашата Македонија.

Од една страна, ќе бидеме под влијание на невообичаено топла воздушна маса од југ и истата во делови од Балканот и Македонија ќе услови температури дури до околу 30 степени Целзиусови.

Во поголем пораст ќе бидат и минималните утрински температури на воздухот.

Од друга страна, ќе бидеме и под влијание на длабок циклонски систем кој ни надоаѓа од Атлантикот.

Во ваква ситуација ќе дува засилен, повремено силен, а во делови од Балканот, особено на Јадранот и бурен јужен ветер (повремено со брзина дури и од над 100km/h).

За време на овој период, на многу места низ Балканот ќе наврне и огромно количество дожд кој се очекува да услови и локални поплави. Ќе има и појава на временски непогоди.

До следниот понеделник (17 март) во регионот и Македонија се очекува екстремно количество на врнежи.

И кај нас локално се очекуваат поинтензивни атмосферски процеси во форма на невреме со обилен пороен дожд, силен јужен ветер (над 75km/h), грмежи и услови за појава на град“.

Спирова С. | Црнобело

фото: freepik.com, Фејсбук