Панчо од ДНК хоспитализиран во Скопје по синоќешниот пожар – објавени неофицијални листи со примените во скопските болници

Детали

недела, 16 март 2025

Во изјава за Сакам да кажам, сестрата на Панчо од ДНК потврди дека музичарот се наоѓа во Клиничкиот центар во Скопје и е надвор од животна опасност, но дека има повреди на лицето.

На социјалните мрежи се споделуваат листи со имиња на повредените во дискотеката во Кочани кои се наоѓаат во скопските болници.

Листите се однесуваат на примените во болниците „8 Септември“ и Клиничкиот центар, но не се официјални.

Односно, надлежните сè уште немаат споделено листа со хоспитализирани, а лицата кои се наоѓаат на листите може и да се преместени или пуштени од болница.

Листа за „8 Септември“

На листата се наоѓа и Владимир Блажев, попознат како Панчо од ДНК кој синоќа, заедно со Андреј, имаше настап во дискотеката.

Листа за Клинички

Доктор Ненад Лазаров на својот Фејсбук профил сподели дека три лица се примени во болницата Жан Митрев: Мелани Тасева, Дарко Тасев и Илија Рашков.

За Сакам да кажам, неговата сестра Јадранка Николовска потврди дека се наоѓа во Клиничкиот центар во Скопје и дека е вон животна опасност.

„Засега знам дека е вон животна опасност, има изгореници на лицето и на раката и е на кислородна поддршка и е во Клиничкиот центар во Скопје.

Уште не знам каде е и како е Андреј и останатите членови на бендот“, вели Николовска за Сакам да кажам.

Во пожарот што се сучи синоќа околу 2:35 часот загинаа 51 лице, додека над 100 се повредени.

Причината за пожарот се пиротехнички средства, а министерот за внатрешни работи потврди дека веќе се уапсени организаторите на забавата.

Спирова С. | Црнобело