Софија Јаневa за пикникот со синот: „Пред бебе - чанта со телефон, кармин, огледалце, после бебе - 3 чанти, пелени, влажни марамчиња“

Детали

вторник, 06 мај 2025

„Некогаш пикник во парк значеше: седиш на ќебе, сонце, пријателки... Денес? Пикник во парк значи: со една рака го лулаш бебето, со другата држиш ладно кафе, со третата (која не постои, ама ти фали) се обидуваш да го зачуваш моментот и да направиш некоја фотка“, вели искрено и шеговито Софија Јанева.

Софија Јанева е една од нашите инфлуенсерки која постојано зборува отворено за мајчинството и за тоа колку и како се променил нејзиниот живот откако го добила синот Матео.

Овој пат таа на шеговит начин прикажува како изгледало нејзиното одење на пукник со пријателките некогаш, а како изгледа денес со бебе.

Нејзината објава, во која ќе се пронајдат многу мајки, гласи:

„Некогаш пикник во парк значеше: седиш на ќебе, сонце, пријателки, грицки и евентуално некој филозофски муабет за животот.

Денес? Пикник во парк значи: со една рака го лулаш бебето, со другата држиш ладно кафе, со третата (која не постои, ама ти фали) се обидуваш да го зачуваш моментот и да направиш некоја фотка.

Денешниот пикник со моите пријателки ме потсети на тоа колку малите моменти се големи и колку животот е поразличен пред и после бебе.

1. Пред бебе: Чанта = телефон, кармин, огледалце.

После бебе: 3 чанти = една за мама, втората за бебето, а третата е магацин на пелени и влажни марамици

2. Пред бебе: Доаѓаш на пикник на време.

После бебе: „Ќе тргнеме во 10“ значи „ќе излеземе во 11 ако не се искака бебето...“ (спојлер: се искака)

Продолжува на следната страница...