„Најневеројатната жена“ - Дарко Илиевски ѝ честиташе роденден на сопругата со фотка од плажа во САД и емотивна објава

Детали

четврток, 15 мај 2025

„Ти благодарам што си мој партнер, мој мир и неверојатна мајка на нашите две прекрасни деца. Да те гледам како ги сакаш и се грижиш за нив (и за мене) е едно од најубавите нешта што сум ги видел“, вели Дарко Илиевски во емотивна објава за својата сопруга Ивана.

Некогашниот македонски пејач Дарко Илиевски години наназад живее во САД со својата сопруга Ивана и двете деца.

Пејачот и неговата сопруга на своите деца им дадоа по две имиња, па така синот се вика Матео Ноа, а и ќерката - Ана Ирена.

Парот ужива секој слободен миг да го минува на плажа, а вчера (13.05) со една фотографија од таков миг ѝ честиташе роденден на неговата сакана.

Неговата емотивна објава:

„Денес ја славам најневеројатната жена што ја познавам - мојата сопруга, мојата најдобра пријателка и прекрасната душа која ги исполнува нашите животи со толку многу љубов.

Секој момент со тебе е благослов и секој ден му благодарам на универзумот, што те донесе во мојот живот.

Ти благодарам што си мој партнер, мој мир и неверојатна мајка на нашите две прекрасни деца.

Да те гледам како ги сакаш и се грижиш за нив (и за мене) е едно од најубавите нешта што сум ги видел.

Ми ги подари најголемите дарови што некогаш сум можел да ги посакам - нашето семејство и љубов за цел живот.

Нека ти е роденденот исполнет со радост, смеа и сè што ти посакува срцето.

Го заслужуваш тоа и уште повеќе. Те сакам!“

Прочитајте и Пејачот Дарко Илиевски се преполови: „Ослабев 64kg откако завршив во болница поради дебелината“

С. С. | Црнобело