Браво! Ирис е прваче кое е прогласено за најредовен читател во библиотеката во нејзиното училиште во Скопје

Детали

петок, 23 мај 2025

„Кога ѝ падна првото млечно запче и ја прашав што сака да ѝ купам, таа ми одговори: ‘Сакам да одиме во книжарница и да си одберам книга’. Тогаш знаев дека нејзината врска со книгите ќе биде нешто посебно“, вели мајката на Ирис за CRNOBELO.com.

Ирис Васоска од Скопје е мала, инспиративна дама.

Иако, таа е само прво одделение, веќе е огромна вљубеничка во книгите, а во нејзиното училиште „Григор Прличев“ ја прогласија за најредовен читател во училишната библиотека за годинава.

фото: Фејсбук

Оваа учебна година, Ирис Васоска од Скопје го завршува првото одделение, а со него и едно посебно читателско патување, кое го започна уште многу пред училишниот живот, вели нејзината мајка Криси за CRNOBELO.com.

Нејзината мајка за CRNOBELO.com вели:

„Ирис од најмала возраст покажа љубопитност кон буквите - ја фасцинираше како се пишуваат, ги составуваше зборовите и набргу почна самостојно да чита.

Никогаш не сме ја притискале да чита - сè дојде од неа, природно и со искрена љубов.

Се сеќавам на моментот кога ѝ падна првото млечно запче и ја прашав што сака да ѝ купам во чест на тоа, а таа ми одговори: „Сакам да одиме во книжарница и да си одберам книга“.

Тогаш знаев дека нејзината врска со книгите ќе биде нешто посебно.

Верувам дека децата учат од тоа што го гледаат секојдневно. Јас како нејзина мајка сум страстен читател, и таа често знае да ми рече со насмевка: „Еве мама повторно се занесе во книгата...“

Продолжува на следната страница...